سۆزلۈك رەسىمى

سۆزلۈك رەسىمى سۆزلۈك قىسقىچە چۈشەندۈرۈش رەسىمى، سۈرەت ۋە ۋىدىيو بۆلىكىگە قوشۇلىدىغان ئالبۇم، سۈرەت ۋە ھەرقايسى مۇندەرىجە بۆلەكلىرىگە قوشۇلغان ماس ھالدىكى سۈرەت-رەسىملەرنى كۆرسىتىدۇ. سۈرەت بىلەن ئالبۇمغا رەسىم ۋە رەسىم چۈشەندۈرۈشى قوشۇشقا بولىدۇ. سۈزۈك، ئېنىقلىقى يۇقۇرى سۈرەت قوشۇلغان سۆزلۈكلەرنىڭ ئېرىشىدىغان جۇغلانما، تەجىرىبە نومۇرىمۇ كۆپ بولىدۇ، ھەمدە بۇنداق سۆزلۈكلەر زىيارەتچىلەرنىڭ ياقتۇرۇپ ئوقۇشىغا ئېرىشەلەيدۇ.

سۆزلۈك رەسىمىگە قويۇلىدىغان تەلەپ

1. قوشۇلغان رەسىم ۋە رەسىم چۈشەندۈرۈلىشى چوقۇم سۆزلۈك بىلەن مۇناسىۋەتلىك بولىشى، سۆزلۈك مەزمۇنى ۋە مۇناسىۋەتلىك ئۇچۇرلارنى ئىپادىلەپ بېرەلەيدىغان بولىشى كېرەك

2. قوشۇلغان رەسىم ئېنىق، پەرىقلەندۈرگىلى بولىدىغان رەسىم بولىشى كېرەك

3. رەسىمگە بەك چوڭ ياكى بەك كۆپ ماركا، Logo ئۇرۇلمىغان بولىشى كېرەك

4. رەسىم ۋە رەسىم چۈشەندۈرۈشىگە تور ئادرېسى، تېلېفۇن نومۇرى، ئىلخەت، QQ( چ چ ) ياكى باشقا ئالاقىلىشىش ئۇسۇلى قوشۇلغان رەسىملەرنى قوشۇشقا بولمايدۇ.

لاياقەتسىز رەسىم	سۈپەتلىك رەسىم

5. مەزمۇنى ساغلام بولمىغان، دۆلەت ۋە جەمئىيەت بىخەتەرلىكىگە تەسىر يەتكۈزىدىغان رەسىملەرنى يوللاشقا بولمايدۇ.
6.مىللىي بۆلگۈنچىلىك تۈسىنى ئالغان، دىنىي ئەسەبىيلىك تۈسىنى ئالغان رەسىملەرنى يوللاشقا بولمايدۇ.
7. رەسىمنىڭ ھەقىقىي، چىنلىقىغا كاپالەتلىك قىلىڭ، كىرۈشتۈرۈپ ئىشلىگەن ساختا رەسىملەرنى يوللىماڭ
8. ھەددىدىن زىيادە كىچىك، پايدىلىنىش قىممىتى تۆۋەن رەسىمنى يوللىماڭ.

ئالبۇم دىگەن نېمە؟

ئالبۇم بىرقانچە پارچە رەسىمنى بىر رامكا ئىچىگە يوللاشنى كۆرسىتىدۇ، (خۇددى ئۆيىمىزدىكى رەسىم ئالبۇمىغا ئوخشاش)، ئەگەر سۆزلۈككە مۇناسىۋەتلىك رەسىملەر كۆپ بولسا، رەسىملەرنى تۈرگە ئايرىپ، ھەر بىر تۈرنى بىر ئالبۇم قىلىپ يوللىسىڭىز بولىدۇ.

ئالبۇمغا قويۇلىدىغان تەلەپلەر

1. ئالبۇمغا قوشۇلغان رەسىملەر چوقۇم ئىزدە قامۇسى رەسىم قوشۇش ئۆلچىمىگە لايىق بولىشى، ئېلان تۈسىنى ئالمىغان بولىشى كېرەك.
2. ئالبۇمدىكى رەسىملەر بلەن سۆزلۈك مۇناسىۋەتلىك بولىشى كېرەك، يېزىۋاتقان سۆزلۈكىڭىز بىلەن مۇناسىۋەتسىز رەسىملەرنى ئالبۇمغا يوللاشقا بولمايدۇ.
3. يەككە بىر تاللا رەسىمنى ئالبۇم قىلىپ قۇرۇشقا بولمايدۇ، ئەگەر شۇ بۆلەككە مۇناسىۋەتلىك رەسىمدىن بىر پارچىلا بولسا، ئالبۇم قۇرماي، رەسىم يوللاش ئىقتىدارىدىن پايدىلىنىپ رەسىم يوللىسىڭىز بۇلىدۇ.
4. ئالبۇمغا قوشۇلغان رەسىملەر چوقۇم ھەممىسى سۆزلۈككە مۇناسىۋەتلىك بولىشى كېرەك، باشقا مۇناسىۋەتسىز رەسىملەرنى ئارىلاشتۇرۇپ قوشۇشقا بولمايدۇ.
مۇناسىۋەتسىز رەسىملەرنى قوشماقاڭ:

6. ئالبۇمدىكى رەسىملەرنىڭ ھەر بىرىگە ماس كېلىدىغان ئايرىم-ئايرىم چۈشەندۈرۈش يېزىڭ

7. سۆزلۈككە قوشقان رەسىملىرىڭىز ئىمكان بار تەكرار قوشۇلمىسۇن.
ئالبۇملارنى مۇندەرىجە ماۋزۇسىغا ئاساسەن يوللىسىڭىز بولىدۇ، مەسىلەن: «ئابدۇللا ئابدۇرېھىمنىڭ بالىلىق چاغلىرى» «ئابدۇللا ئابدۇرېھىم يىپەك يولى ساداسى پىروگراممىسىدا» «ئابدۇللا ئابدۇرېھىم ۋە ئائىلىسىدىلەر» دىگەنگە ئوخشاش
8. بىر ئالبۇمغا 5-20 گىچە رەسىم قوشۇشنى، بىر سۆزلۈككە ئەڭ كۆپ بولغاندا 20 ئالبۇم قوشۇشنى تەۋسىيە قىلىمىز.

ئالبۇمنى قانداق قوشىمىز؟

تۆۋەندىكى رەسىمدە يورۇتۇلغان «ئالبۇم» دىگەننى چەككەندىن كىيىن ئالبۇمغا رەسىم يوللاش كۆزنىكى ئېچىلىدۇ.

ئاستىدىكىسى ئالبۇم يوللاش كۆزنىكى كۆرۈنمە ھالىتى، ئالبۇم يوللاش كۆزنىكىدىكى «يوللاڭ» دىگەن كونۇپكىنى بېسىپ، ئالبۇمغا قوشماقچى بولغان رەسىملەرنى تاللاپ رەسىم يوللىسىڭىز بۇلىدۇ، رەسىملەر يوللىنىپ بولغاندا، ئاستى تەرەپتىكى «جەزىملە» دىگەن كونۇپكىنى بېسىپ ئالبۇم قوشۇشنى تاماملىسىڭىز بۇلىدۇ.