لېپسىگ

گېرمانىيە جۇمھۇرىيىتىنىڭ ئوتتۇرا جەنۇبىي قىسمىغا جايلاشقان شەھىرى، لېپسىگ رايونىنىڭ مەركىزى، دۆلەتنىڭ ئەڭ مۇھىم سانائەت، مەدەنىيەت، قاتناش مەركەزلىرىنىڭ بىرى. ئۇ دۆلەت بويىچە بېرلىن شەھىرىدىن قالسا ئىككىنچى چوڭ شەھەر، شەھەر ئاھالىسى 600 مىڭدىن ئاشىدۇ. لېپسىگ شەھىرى ۋېسى ئېلستېر دەريا بويى بىلەن پلېسېسى دەرياسىنىڭ قۇيۇلۇش ئاغزىغا جايلاشقان. شەھەر ئەڭ دەسلەپ (1015-يىلى) كىچىك بىر پونكىت بولغان. 1160-يىلى شەھەر بولۇپ قۇرۇلغاندىن كېيىن تېز تەرەققىي قىلىپ، مۇھىم سودا مەركىزىگە ئايلانغان. 18-، 19-ئەسىرگە كەلگەندە ئەدەبىيات-سەنئەت ۋە پرولېتارىيات ئىنقىلابى ھەرىكىتىنىڭ مۇھىم مەركىزى بولغان.

 ھازىر بۇ شەھەر ئۆزىنىڭ باسما ماشىنىلىرىنى ئىشلەپچىقىرىش سانائىتى بىلەن دۇنياغا مەشھۇر، باسما ماشىنىلىرىنى ئىشلەپچىقىرىش سانائىتىدىن باشقا ترانسىپورت ماشىنىلىرىنى ئىشلەپچىقىرىش سانائىتىدىن باشقا ترانسىپورت ماشىنىلىرىنى ئىشلەپچىقىرىش، ھەرخىل ئەسۋاب ئىشلەپچىقىرىش، چالغۇ ئەسۋابلىرىنى ياساش، توقۇمىچىلىق، خىمىيە قاتارلىق سانائەتلەرمۇ زور دەرىجىدە تەرەققىي قىلغان. لېپسىگ گېرمانىيىنىڭ مەدەنىيەت مەركىزى، بۇ جايدا 1409-يىلى قۇرۇلغان، 1953-يىلى ماركس نامى بىلەن ئاتالغان ئالىي بىلىم يۇرتى، كۇتۇپخانىلار، مۇزېيلار، ھايۋانات باغچىسى، 12-ئەسىردە قۇرۇلغان سانت توماس نامىدىكى چېركاۋ ۋە 16-ئەسىردە قۇرۇلغان ھۆكۈمەت بىمارلىرى قاتارلىق كونا تارىخىي ئورۇنلار بار. لېپسىگ شەھىرىدە 12-ئەسىردىن تارتىپ ھەر يىلى كۈز، ئەتىياز پەسىللىرىدە خەلقئارا كۆرگەزمە ئۆتكۈزۈلۈپ تۇرىدۇ.