تۇرپان ئاق تاۋۇزى

تۇرپان ئاق تاۋۇزى بۇ خىل سورت تۇرپان ، پىچان ناھىيىلىرىدە تېرىپ ئۆستۈرۈرلىدۇ ، ئۆسۈشى كۈچلۈك ، بۇ خىل سورت توشۇشقا چىداملىق، بىراق ساقلاشقا چىداملىق ئەمەس . 

تۇرپان ئاق تاۋۇزى ئاساسىي پىلەك ئۇزۇنلۇقى 400 - 550 سانتىمېتىر ، توپلىنىشى كۈچلۈك ،ئانىلىق گۈلى ئېچىلىپ 45 كۈن بولغاندا مېۋىسى پىشىدۇ ، پۈتكۈل ئۆسۈپ يېتىلىش ۋاقتى 100 كۈن، تاۋۇزنىڭ يەككە ئېغىرلىقى تەخمىنەن 8 كىلوگرام كېلىدۇ . تاۋۇز شەكلى يۇمىلاق ، شاپىقى قاتتىق ، قېلىنلىقى 1.5 سانتىمېتىر ، مېۋە يۈزى سىلىق ، ئاق يېشىل رەڭدە ، ئېتى قىزىل ، چۈرۈك ، تالاسى ئوتتۇراھال ، شىرنىسى كۆپ ، ئوتتۇرىچە قەنت مىقدارى % 10 - 6 ، تەمى ئوتتۇراھال ياخشى . ئۇرۇقى ئاق سېرىق رەڭدە ، گىرۋىكى قارا .^[0]