گۈللۈك يېزىسى

رايونغا قاراشلىق 28 مەمۇرىي كەنت، 99 كەنت ئاھالە گۇرۇپپىسى بار، ئائىلىلەر ئومۇمىي سانى 4347 ئائىلە بولۇپ، ئومۇمىي نوپۇسى 20875 ئادەم، ئەمگەك كۈچى 8850 ئادەم، بۇنىڭ ئىچىدە ئەر ئەمگەك كۈچى 4530 ئادەم، ئايال ئەمگەك كۈچى 4320 ئادەم.

گۈللۈك يېزىسى ۋاكالەت نومۇرى : 653129209. قاراشلىق 28 كەنت ئاھالە كومىتېتى : گۈللۈك كەنتى، خانىقا، لەڭگەر كەنتى، يالغۇز تال كەنتى، يېڭىباغ كەنتى، بەشتام كەنتى، يۇقىرى بەشتام كەنتى، ئاياغ بەشتام كەنتى، قاراڭغۇلۇق كەنتى، ئاشىق گۈللۈك كەنتى، ئاقتىكەن كەنتى، باشكۆل كەنتى، ئالىكۇل كەنتى، قارىماقۇم كەنتى، قورۇق كەنتى، ئاچال كەنتى، تەڭلىچى كەنتى، ئاقتوقاي كەنتى، سۇ باستى كەنتى، تاتىرتاش كەنتى، يېڭى مەھەللە كەنتى، ئوتتۇرا بەشتام كەنتى، ئاياغ كۆكتال كەنتى، باش ئاچال كەنتى، كەرىمباي قۇچچى كەنتى، كۆكتوقاي ناھىيەسى، قىزىلقۇم كەنتى، ئوتتۇرا گۈللۈك كەنتى، كۆكتال كەنتى قاتارلىقلار. 

گۈللۈك يېزىسى تۈزلەڭلىك مۆتىدىل بەلباغ كىلىماتىغا تەۋە، كىلىماتى تىپىك قۇرۇقلۇق تىپىدىكى قۇرغاق كىلىمات، تۆت پەسىل ئېنىق، ھۆل-يېغىن مىقدارى ئاز، يورۇقلۇق بايلىقى ئىنتايىن مول، ھاۋاسى قۇرغاق. يىللىق ئوتتۇرىچە ھۆل-يېغىن مىقدارى 60 مىللىمېتىر، ئوتتۇرىچە تېمپېراتۇرىسى ℃20. ئەڭ يۇقىرى تېمپېرارتۇرىسى ℃43 بولۇپ، ئەڭ تۆۋەن تېمپېراتۇرا نۆلدىن تۆۋەن ℃12، قىروسىز مەزگىلى 227 كۈن. شامال رايونى كۆپ، تۆت پەسىلنىڭ ھەممىسىدە غەربىي شىمال شامىلى ۋە شىمال شامىلى بار، يېزا ئىگىلىكىدە سۇ ئىشلىتىش پەقەت ماس كەلمەيدۇ، بۇ يېزىنىڭ تەبىئىي شارائىتى ناچار، تۇپراقنىڭ شورلىشىپ كېتىشى ئېغىر بولۇپ، تەبىئىي ئاپەت كۆپ، ئاساسلىقى قۇرغاقچىلىق، كەلكۈن، مۆلدۈر، تۇلا، قۇم-بوران، كېسەللىك ۋە ھاشارەت ئاپىتى، سوغۇق ئېقىم قاتارلىقلار بار. دېھقانچىلىق زىرائەتلىرىدىن ئاساسلىقى، بۇغداي، كېۋەز، قوناق، پەيزاۋات قوغۇنى قاتارلىقلار بار.

پۈتۈن يېزىنىڭ ئومۇمىي كۆلىمى 1 مىليون 520 مىڭ مو، بۇنىڭ ئىچىدە تېرىلغۇ يەر كۆلىمى 48000 مو، 1410 مو مېۋىلىك باغ، كىشى بېشىغا توغرا كېلىدىغان تېرىلغۇ يەر 2 مو، ئاساسلىقى يېزا ئىگىلىك، چارۋىچىلىق ئاساس قىلىنىدۇ، 2006-يىلى يېزا بويىچە ئىچىدە ئىشلەپچىقىرىش ئومۇمىي قىممىتى 6264.4 مىڭ يۈەن بولۇپ، %32.5 ئاشقان، بۇنىڭ ئىچىدە 1-كەسىپ 5934.4 مىڭ يۈەن بولۇپ، بۇلتۇرقى ئوخشاش مەزگىلدىكىدىن %33.7 ئاشقان؛ 2-كەسىپ 750 مىڭ يۈەن، بۇلتۇرقى ئوخشاش مەزگىلدىكىدىن %36.4 ئاشقان؛ 3-كەسىپ 2 مىليون 550 مىڭ يۈەن، بۇلتۇرقى ئوخشاش مەزگىلدىكىدىن %8.5 ئاشقان. دېھقانلارنىڭ ئوتتۇرىچە ساپ كىرىمى 1863 يۈەن، 383 يۈەن ئاشقان. ^[0]