شېكەركۆل بازىرى

بازارلىق ھۆكۈمەتكە قاراشلىق 3 ئاھالىلەر كومىتېتى بار، نوپۇسى 1125 ئادەم. بۇ بازار ئەسلىدە غولتوغراق يېزىسى باشقۇرۇش تەۋەلىكىدە بولغان. 1984-يىلى، ش ئۇ ئا ر خەلق ھۆكۈمىتىنىڭ تەستىقلىشى بىلەن شېكەركۆل بازىرى بولۇپ قۇرۇلغان. 1985-يىلى رەسمىي ئىشتاتلىق بازارغا ئايلانغان. شېكەركۆل بازىرى ۋاكالەت نومۇرى : 653129101. قاراشلىق 3 مەھەللە : 1-مەھەللە، 2-مەھەللە، 3-مەھەللە قاتارلىقلار. 1999-يىلى، شېكەركۆل بازىرىدا 210 ئائىلە، 1300 ئادەم بار، بۇنىڭ ئىچىدە ئۇيغۇرلار 1250 كىشى؛ خەنزۇ 50، ئومۇمىي نوپۇسنىڭ %3.8؛ غەيرىي يېزا ئىگىلىك نوپۇسى 35 ئادەم، ئومۇمىي نوپۇسنىڭ %2.7 نى ئىگىلەيدۇ. مەركىزىي باشلانغۇچ مەكتەپتىن بىر، ئوقۇغۇچى 253 نەپەر، ئوقۇتقۇچىلار 15 ئادەم، ئوقۇش يېشىدىكى بالىلارنىڭ مەكتەپكە كىرىش نىسبىتى %100 كە يەتكەن. 

شېكەركۆل بازىرىدىكى ھەر مىللەت خەلقى ساي كۆل ئەتراپىنى چۆرىدەپ ئولتۇراقلاشقان. يولدىن ئۆتكەن قاتناش ۋاسىتىلىرى ۋە مېھمانلارغا قولايلىق بولسۇن ئۈچۈن، مېھمانلارغا مۇلازىمەت قىلىش مەقسىتىدە، شېكەر سۇ ئامبىرى باشقارمىسى تەبىئىي شەكىللەنگەن، يېمەك-ئىچمەك مۇلازىمىتىنى ئاساس قىلغان كەنت بولۇپ، بۇ يەردە ساياھەت كوپىراتىپى قۇرۇلۇپ، ئاشخانا ئېچىلىپ، ماشىنا رېمونت قىلىش، پەيزىۋات قوغۇنىنى ئۇلاپ توشۇش سېتىش بازىرىغا ئايلانغان. بازارنىڭ تەدرىجىي كېڭىيىشىگە ئەگىشىپ ئارقا-ئارقىدىن پوچتا-تېلېگراف پونكىتى، بىڭتۇەن تىرانسپورت شىركىتى، قىزىلسۇ قىرغىز ئاپتونوم ئوبلاستى تاشيول ئاسراش ئۇچاستىكىسى، گىدرولوگىيە ئىستانسىسى، قىسىملارنىڭ ئالاقە پونكىتى، باش مەيدان مېھمانخانىسى، شىپاخانا، سودا–سانائەت، باج، ماي قاچىلاش پونكىتى قاتارلىق 10 نەچچە مۇلازىمەت ئاپپاراتى تەسىس قىلىنغان.  ^[0]