x-plore

x-plore يۇمشاق دېتالى يانفون ھۆججەت باشقۇرۇش تۈردىكى يۇمشاق دېتاللانىڭ ئەڭ سەرخىلى بولۇپ، يانفون سىغىم كارتىسى ۋە يانفوننىڭ ئۆزىنىڭ سىغىمىدىكى ھۆججەت، ماتېرىياللارنى باشقۇرۇش جەھەتتە ئىقتىدارى ناھايىتى كۈچلۈك. بۇ قورالنىڭ ئۆزىنىڭ تەمىنلىگەن تىل تۈرى 10 نەچچە خىلدىن ئاشىدۇ. تىل تۈرى بولغان ئاساسلىق دۆلەتلەر ئەرەب، ئەزەربەيجان، بېلارۇسىيە، جۇڭگو، چېخ، دانىيە، ئامېرىكا-ئەنگلىيە، فىنلاندىيە، فرانسىيە، گېرمانىيە، ئىتالىيە، لاتۋىيە، ۋېنگرىيە، ئىران، پولشا، پورتۇگالىيە، رومىنىيە، رۇسىيە، سىلوۋاكىيە، ئىسپانىيە، تۈركىيە… قاتارلىقلار.

دېتالنىڭ ئاساسلىق ئالاھىدىلىكى: يانفوندىكى يوشۇرۇن دىسكىنى كۆرۈش ۋە ھەرخىل ھۆججەتلەرنى يۆتكەش، كۆچۈرۈش، ئۆچۈرۈش، يوشۇرۇش، تەھرىرلەش، 16 لىق سىستېما بويىچە تەھرىرلەش، كۆكچىش ۋە ئىنفىرا قىزىل نۇر ئۈسكۈنىسى ئارقىلىق باشقا يانفون، كومپيۇتېرغا يوللاش، قوبۇل قىلىش، دىسكا ۋە ھۆججەت ئەھۋالىنى، خاسلىقىنى كۆرۈش، ئۆزگەرتىش، يانفون ئىچكى ساقلىغۇچ ۋە سىغىم كارتىسىدىكى ھەرخىل فورماتتىكى ھۆججەتلەرنى ئىزدەش، ھەرخىل فورماتتىكى رەسىم، ئۈن-سىن ھۆججەتلىرىنى قويۇش، ھۆججەتلەرنى توپ ياكى تاللاپ ئۆچۈرۈش، كۆپەيتىش، چاپلاش، يانفوننىڭ ھەرخىل ئۇچۇرىنى كۆرۈش... قاتارلىق نۇرغۇن ئىقتىدارلار بار.

xploreنەزەرىيە جەھەتتىن symbian s60 v3/ v5 مەشغۇلات سىستېمىسىدىكى ئۇيغۇرچە يېزىق نورمال تونۇتۇلغان ياكى ئۇيغۇرچە تۇنۇتمىغان symbian s60 مەشغۇلات سۇپىلىق يانفونلارغا ماس كېلىدۇ. كونا يېزىقتىكى ئۇيغۇرچە تىل بولىقىنى ئىشىلىتىشتە يانفونغا چوقۇم ئۇيغۇرچە خەت نۇسخسىنى تەڭشەپ، ئۇيغۇرچە تونۇتقان بولۇش كېرەك. 

سىناق قىلىنغان يانفونلار

 N81، نوكىيا C6 ،N95 ،5230 ،N97  

5-ئەۋلات سەزمە ئېكرانلىق يانفونلاردىمۇ نورمال خىزمەت قىلالايدۇ.