لى يۈەنچاۋ

لى يۈەنچاۋ، ئەر، خەنزۇ، 1950-يىلى 11-ئايدا تۇغۇلغان، جياڭسۇنىڭ ليەنشۈيدىن، 1968-يىلى 11-ئايدا خىزمەتكە قاتناشقان، 1978-يىلى 3-ئايدا جۇڭگو كومپارتىيەسىگە كىرگەن، مەركىزىي پارتىيە مەكتىپىنىڭ ئاسپىرانتلىق ئوقۇش تارىخىغا ئىگە، قانۇنشۇناسلىق بويىچە دوكتۇرلۇق ئۇنۋانى ئالغان. 

ھازىر جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، جۇڭخۇا خەلق جۇمھۇرىيىتىنىڭ مۇئاۋىن رەئىسى. 

1968-يىلدىن 1972-يىلغىچە جياڭسۇ ئۆلكىسى دا فېڭ ناھىيەسى شاڭخەي دېھقانچىلىق مەيدانىدا ئىشلىگەن. 

1972-يىلدىن 1974-يىلغىچە شاڭخەي پېداگوگىكا ئۇنىۋېرسىتېتى ماتېماتىكا فاكۇلتېتىدا ئوقۇغان. 

1974-يىلدىن 1975-يىلغىچە شاڭخەي شەھەرلىك نەنچاڭ ئوتتۇرا مەكتىپىدە ئوقۇتقۇچىلىق قىلغان. 

1975-يىلدىن 1978-يىلغىچە شاڭخەي شەھىرى لۇۋەن رايونى ئىشتىن سىرت سانائەت كەسپىي پەنلىرى مەكتىپىدە ئوقۇتقۇچىلىق قىلغان. 

1978-يىلدىن 1982-يىلغىچە فۇدەن ئۇنىۋېرسىتېتى ماتېماتىكا فاكۇلتېتى ماتېماتىكا كەسپىنىڭ 77-يىللىق سىنىپىدا ئوقۇغان، فاكۇلتېت ئىتتىپاق باش ياچېيكىسىنىڭ مۇئاۋىن سېكرېتارى، سېكرېتارى بولغان. 

1982-يىلدىن 1983-يىلغىچە فۇدەن ئۇنىۋېرسىتېتى باشقۇرۇش فاكۇلتېتىدا ئوقۇتقۇچى، مەكتەپ ئىتتىپاق كومىتېتىنىڭ مۇئاۋىن سېكرېتارى بولغان. 

1983-يىلدىن 1983-يىلغىچە كوممۇنىستىك ياشلار ئىتتىپاقى شاڭخەي شەھەرلىك كومىتېتىنىڭ مۇئاۋىن سېكرېتارى، سېكرېتارى بولغان. 

1983-يىلدىن 1990-يىلغىچە كوممۇنىستىك ياشلار ئىتتىپاقى مەركىزىي كومىتېتى سېكرېتارىياتىنىڭ سېكرېتارى بولغان، ئارىلىقتا 1988-يىلدىن 1991-يىلىغىچە بېيجىڭ ئۇنىۋېرسىتېتى ئىقتىساد باشقۇرۇش پەنلىرى مەركىزىدە خىزمەتتە تۇرۇپ ئوقۇپ، تەبىئىي پەن بويىچە ماگىستىرلىق ئۇنۋانى ئالغان. 

1990-يىلدىن 1993-يىلغىچە مەركىزىي كومىتېت تاشقى تەشۋىقات گۇرۇپپىسى بىرىنچى ئىدارىسىنىڭ باشلىقى بولغان. 

1993-يىلدىن 1996-يىلغىچە مەركىزىي كومىتېت تاشقى تەشۋىقات گۇرۇپپىسىنىڭ مۇئاۋىن باشلىقى، مەركىزىي كومىتېت تاشقى تەشۋىقات ئىشخانىسىنىڭ مۇئاۋىن مۇدىرى، دۆلەت ئىشلىرى مەھكىمىسى ئاخبارات ئىشخانىسىنىڭ مۇئاۋىن مۇدىرى بولغان.ئارىلىقتا 1991-يىلدىن 1995-يىلغىچە مەركىزىي پارتىيە مەكتىپى ئاسپىرانلىق بۆلۈمى ئىلمىي سوتسيالىزىم كەسپىدە ئوقۇپ، قانۇنشۇناسلىقتىن ماگىستىرلىق ئۇنۋانى ئالغان. 

1996-يىلدىن 2000-يىلغىچە مەدەنىيەت مىنىستىرلىقىنىڭ مۇئاۋىن مىنىستىرى، پارتگۇرۇپپىسىنىڭ مۇئاۋىن سېكرېتارى بولغان. 

2000-يىلدىن 2001-يىلغىچە جياڭسۇ ئۆلكىلىك پارتكومنىڭ مۇئاۋىن سېكرېتارى بولغان. 

2001-يىلدىن 2002-يىلغىچە جياڭسۇ ئۆلكىلىك پارتكومنىڭ مۇئاۋىن سېكرېتارى، نەنجىڭ شەھەرلىك پارتكومنىڭ سېكرېتارى بولغان. 

2002-يىلدىن 2003-يىلغىچە جياڭسۇ ئۆلكىلىك پارتكومنىڭ سېكرېتارى، نەنجىڭ شەھەرلىك پارتكومنىڭ سېكرېتارى بولغان. 

2003-يىلدىن 2007-يىلغىچە جياڭسۇ ئۆلكىلىك پارتكومنىڭ سېكرېتارى، ئۆلكىلىك خەلق قۇرۇلتىيى دائىمىي كومىتېتىنىڭ مۇدىرى بولغان. 

2007-يىلدىن 2012-يىلغىچە مەركىزىي كومىتېت سىياسىي بىيۇروسىنىڭ ئەزاسى، مەركىزىي كومىتېت سېكرېتارىياتىنىڭ سېكرېتارى، مەركىزىي كومىتېت تەشكىلات بۆلۈمىنىڭ باشلىقى بولغان. 

2012-يىلدىن 2013-يىلغىچە مەركىزىي كومىتېت سىياسىي بىيۇروسىنىڭ ئەزاسى بولغان. 

2013-يىلدىن باشلاپ مەركىزىي كومىتېت سىياسىي بىيۇروسىنىڭ ئەزاسى، جۇڭخۇا خەلق جۇمھۇرىيىتىنىڭ مۇئاۋىن رەئىسى بولغان. 

ئۇ جۇڭگو كومپارتىيەسى 16-نۆۋەتلىك مەركىزىي كومىتېتىنىڭ كاندىدات ئەزاسى، 17-، 18-نۆۋەتلىك مەركىزىي كومىتېتىنىڭ ئەزاسى، 17-نۆۋەتلىك مەركىزىي كومىتېت سىياسىي بىيۇروسىنىڭ ئەزاسى، مەركىزىي كومىتېت سېكرېتارىياتىنىڭ سېكرېتارى، 18-نۆۋەتلىك مەركىزىي كومىتېتى سىياسىي بىيۇروسىنىڭ ئەزاسى. سىياسىي كېڭەش7-نۆۋەتلىك مەملىكەتلىك كومىتېتى دائىمىي كومىتېتىنىڭ ئەزاسى، 8-، 9-نۆۋەتلىك مەملىكەتلىك سىياسىي كېڭەشنىڭ ئەزاسى بولغان. 12-نۆۋەتلىك مەملىكەتلىك خەلق قۇرۇلتىيىنىڭ 1-يىغىنىدا جۇڭخۇا خەلق جۇمھۇرىيىتىنىڭ مۇئاۋىن رەئىسلىكىگە سايلانغان.^[0]