تاڭبالى

نۇرۇز بايرىمىدىن كېيىنلا ئىلى ۋادىسىنىڭ ئوتتۇرا ۋە غەربىي رايونلىرىدا قار ئېرىپ، دەل-دەرەخلەر پوتلا چىقىرىپ باھار پەسلىگە قەدەم قويسا، تاڭبالى رايونى 5-ئايدا ئاندىن كۆكىرىشكە باشلايدۇ، ياۋا ئالما، ياۋا تاغ ئۆرۈكى قاتارلىق مىۋىلىك دەرەخلەر چىچەكلەيدۇ، 6-ئايدا، تاغ گۈللىرى ئېچىلىپ، ئوت-چۆپلەر بولۇق ئۆسۈشكە باشلايدۇ. بۇ مەزگىلدە تاڭبالى مەنزىرە رايونىدىكى جىلغا سايلاردا نۇرغۇن پەسىل خاراكتېرلىك سەيلىگاھ ئېچىلىدۇ. بۇ سەيلىگاھلار ھاياھەتچىلەرنى تاغ- ئېدىر، دەريا-ئېقىن، ئىپتىدائىي ئورمان، تاغ گۈللىرى، يايلاق تۇرمۇشى قاتارلىق ساياھەت تۈرلىرىدىن ھۇزۇرلىنىش ئىمكانىيىتىگە ئىگە قىلىدۇ. 

تاڭبالى چوڭ جىلغا رايونىنىڭ ھاۋاسى سالقىن، ئورمان ۋە يېپىنچا ئۆسۈملۈكلىرى كۆپ، ھاۋاسى سوغۇق، گىياھ ئۈنمەيدۇ دەپ قارىلىدىغان ئېگىز قارلىق تاغلاردا تاز كۈنلىرى قار لەيلىسى ئېچىلىپ تۇرىدۇ.

تاڭبالى مەنزىرە رايونىدا 113 ئېقىن - ساي بولۇپ، ھەربىر ساينىڭ مەنزىرىسى ئۆزگىچە. ھازىرچە ئىسمى ئاتىلىپ كىلىۋاتقان جىرىنتاي چۆكۈندى تاغ جىنىسلىرى؛ بەرگەت، بولۇڭ، قاش بېشى ئارشاڭلىرى؛ ئېيىق ساي، كىچىك تاڭبالى ئورمان باغچىسى، ئاقتاش، چورما ۋە ئابرال يانار تېغى تاش جىنىسلىرى مۇشۇ ساي ئېقىنلىرىغا جايلاشقان.

قىش پەسلىدە بۇ جايدا قار قېلىن ياغقانلىقتىن، قاتناش راۋان ئەمەس، شۇڭا بۇ يەردە 10-ئاينىڭ ئوتتۇرلىرىغىچە ساياھەت قىلىشقا بۇلىدۇ.