ئۆشنە

ئۆشنەئۆشنە بولسا ئۆشنە ئائىلىسىدىكى ئۆسۈملۈك يىپلىق ئۇشنە ۋە بۇزۇق غوللۇق ئۆشنىنىڭ يىپسىمان تۈرى،  يىپقا ئوخشاش ئىنچىكە، ياپىلاق، ئىككى تەرىپى ئاق، ئوتتۇرىسى كۆك رەڭدە، تەمى تاتلىق، خۇش پۇراق بولىدۇ. ياز پەسلىدە يىغىۋېلىندۇ. جۇڭگو ۋە ھىندىستاندىن چىقىدۇ.

 يۈرەك، مېڭە، ئاشقازان، جىگەرنى قۇۋۋەتلەش، كۆڭۈلگە خۇشلۇق يەتكۈزۈش، چىرىشكە قارشى تۇرۇش، ئاغرىق توختىتىش.

خاس تەسىرى

يۈرەك مۇسكۇلىنى قۇۋۋەتلەش، ماددا ئالمىشىشنى ياخشىلاش، ئومۇمىي بەدەننى قۇۋۋەتلەش.

ئەكىس تەسىرى

ئۈچەيگە زىيان قىلىدۇ.

فارماكولوگىيلىك تەسىرى

باكتېرىيىگە قارشى تۇرۇش، زەھەر قايتۇرۇش، مىكروب ئۆلتۈرۈش، قىزىتمىنى پەسەيتىپ، ياللۇغ قايتۇرۇش، راكنىڭ ئالدىنى ئېلىش تەسىرى بار.

ئۆشنە1. ئۆشنە 7 گرام، زىرە، بەدىيان، پىننە قاتارلىقلاردىن 10 گرامدىن ئېلىپ دەملەپ ئىچسە، ئاشقازاننى قىزىتىپ، ھەزىمنى ياخشىلايدۇ.

2. ئۆشنىنى كۆيدۈرۈپ تۈتۈنىنى بۇرۇندىن كىرگۈزسە، شەقىقە، سەرئىگە مەنپەئەت قىلىدۇ.

3. ئۆشنىنى چالا سوقۇپ سۇغا چىلاپ سۈيىنى ئىچىپ بەرسە ئەزالارنىڭ ئاجىزلىقى، بوشىشىشى، قولتۇق ئاستى بېزى، تىز، يوتا قاتارلىق ئەزالارنىڭ بوشىشىشىغا پايدا قىلىدۇ ۋە ئىششىقنى قايتۇرىدۇ.

4. ئۆشنىنى ئارپىبەدىيان بىلەن كۆزگە سۈرمە قىلسا ياكى تېمىتسا، كۆزنى قۇۋۋەتلەيدۇ.

5. ئۆشنىنىڭ تالقىنىنى قولتۇققا سەپسە  قولتۇقنىڭ سېسىق پۇرىشىنى يوقىتىدۇ.

مىقدارى

3  ~10 گرام

ساقلاش

قۇرۇتۇپ ساقلىنىدۇ. ئۇشنىنىڭ سىرتقى پوستى نېپىز بولۇپ، ئاسان  ئاجراپ كېتىدىغانلىقى ئۈچۈن چاڭ توزان دىن خالى جايدا ساقلىنىدۇ.

تۈزەتكۈچىسى

 رۇم بەدىيان.

ئورۇنباسارى

گاۋزىبان

شەربىتى ئۇشنە

يۈرەك رېتىمسىزلىقى، يۈرەك ئاجىزلىق، تۇتقاقلىق كېسىلى، كۆڭۈل ئېلىشىش، ئاشقازان، جىگەر ئاجىزلىقى، قورساق ئېسىلىش قاتارلىقلارغا ئىشلىتىلىدۇ.

كېلىش مەنبەسى 

ئۇيغۇر تېباىتى خام دورىلار ئىلمى1 (شىنجاڭ تېببي ئۇنۋېرسېتىتى تولۇق كۇرۇس نۇسخسى). ^[0]