ئۈرۈمچى يەرمەنكىسى

ئۈرۈمچى يەرمەنكىسى جۇڭگونىڭ غەربىي شىمالىدىكى كۆلىمى ئەڭ زور ئۇنىۋېرسال خەلقئارا يەرمەنكە — ئۈرۈمچى يەرمەنكىسى 1992 – يىلدىن باشلاپ يولغا قويۇلغان بولۇپ ، ھەر يىلى 9 – ئاينىڭ 1 –كۈنىدىن 8 – كۈنىگىچە شىنجاڭ خەلقئارا كۆرگەزمە مەركىزىدە ئۆتكۈزۈلىدۇ . ئۈرۈمچى يەرمەنكىسى يېڭى ئاسىيا – ياۋروپا چوڭ قۇرۇقلۇق كۆۋرۈكى ئارقىلىق ، جۇڭگونىڭ شەرقى ۋە غەربىدىكى بازارلار بىلەن ئوتتۇرا ئاسىيا ۋە ئەتراپتىكى دۆلەتلەرنىڭ چوڭ بازارلىرىنى زىچ باغلاپ ، يېڭى بازار ئېچىشتىكى كۆۋرۈك ۋە كۆزنەك بولۇپ كەلدى . 

ئۈرۈمچى يەرمەنكىسىنىڭ ئاساسلىق مەزمۇنى : ئېمپورت – ئېكسپورت سودىسى ئۈستىدە كېڭىشىش ، سىرت بىلەن بولغان ئىقتىساد – تېخنىكا ھەمكارلىقى ئۈستىدە كېڭىشىش ، دۆلىتىمىزنىڭ شەرقى ۋە غەربىنىڭ ئىقتىسىادىي جەھەتتىكى ھەمكارلىقى ، تاشقى ئىقتىساد – تېخنىكا ھەمكارلىقى ئۈستىدە كېڭىشىش ، يېڭى مەھسۇلات ، يېڭى تېخنىكا ، يېڭى تۈرلەرنى كۆرگەزمە قىلىشتىن ئىبارەت .^[0]