دېڭىز ئوتى

قاراڭغۇ كىچىدە كېمە بىلەن دېڭىزدا يول يۇرگەندە يىراقلارغا نەزەر تاشلايدىغان بولسا، بەزىدە سۈت رەڭ بىر نۇرنى كۆرىگىلى، ھەمدە دېڭىزنىڭ تېخىمۇ جىمجىت ، گۇزەل ئىكەنلىكىنى ھېس قىلغىلى بولىدۇ؛ بەزىدە نۇرغۇن يالت - يۇلىت قىلىپ چاقناپ ، ھەر تەرەپكە ئۇچقۇنلارنى چىچىپ ، خۇددى سامانيۇلى سىستېمىسىدەك كۆزىنى قاماشتۇرىغانلىقىنى كۆرىگىلى بولىدۇ؛ يەنە بەزىدە چاقپەلەككە ئوخشاش نۇر ھالقىسىنىڭ توختىماي ئايلىنىۋاتقانلىقىنى، ھەمدە دېڭىزنى دەم -دەم يورۇتۇپ كىشىنى ھاڭ - تاڭ قالدۇرىدىغانلىقىنى كۆرگىلى بولىدۇ، بۇنداق ئەھۋالنىى كۆرگەندە بەزىدە ئادەملەر قورقۇپ كېتىدۇ، ھەمدە ئالدى تەرەپكە ئوت كېتىپتۇ دەپ ئويلايدۇ. 

دېڭىزدىكى لەيلىمە جانلىقلار پۈتكۈل دېڭىزغا تارقالغان، ئەمما ھەرگىزمۇ ھەر قانداق بىر دېڭىز رايۇنىدا ھەر كۈنى ئاخشىمى دېڭىز ئوتىنى كۆرگىلى بولمايدۇ. بۇنىڭ سەۋەبى شۇكى، ئوخشىمىغان كەڭلىك ۋە ئوخشىمىغان پەسىلدە دېڭىزدىكى لەيلىمە جانلىقلارنىڭ كۆپىيىش ئىقتىدارى ۋە سانىمۇ ئوخشاش بولمايدۇ، ئادەتتىكى ئەھۋالدا، ئىسسىق بەلباغ دېڭىز رايۇنىدا دېڭىز ئوتىنىڭ كۈرۇلىشى كۆپ بۇلۇپ، يورۇقلۇق دەرىجىسىمۇ يۇقىرى بولىدۇ؛ قانچە سوغۇق بەلباغ تەرپكە سۈرۈلگەنسېرى، كۈرۈلۈش قېتىم سانىمۇ ئازلايدۇ، يۇرۇقلۇق دەرىجىسىمۇ شۇنچە ئاجىز بولىدۇ. 

دېڭىز ئوتى ئاجايىپ چىرايلىق، دەۋىرسىز ھالدا ئۆزگۈرۈپ تۇرىدۇ، ئادەمگە بىر خىل ھۇزۇر بېغىشلاپلا قالماستىن، بەلكى يەنە دۆلەت مۇداپىيەسى، سۇ تىرانسىپورت قاتنىشى ۋە بېلىقچىلىق قاتارلىق جەھەتلەردىمۇ ئەمەلىي قىممەتكە ئىگە. دېڭىز ئوتى ھادىسىسى يەنە يەر تەۋرەش ۋە دېڭىز شاۋقۇنىدىن ئالدىن مەلۇمات بىرىش قاتارلىقلاردىمۇ ئىنتايىن مۇھىم پايدىلىنىش قىممىتىگە ئىگە. ^[1][0]