سەرەس

سەرەس بولسا پۇرچاق ئائىلىسىدىكى يوپۇرماق تاشلايدىغان دەرەخ يىپەك ئاكاتسىيە (Albizia julibrissin Durazz) دەرىخىنىـڭ پوسـتى بولـۇپ ، بـۇ دەرەخـنىـڭ قـوۋزىــقــى« سەرەس» ئۇرۇقى، «توخۇمى سەرەس» نامىدا دورىغا ئىشلىتىلىدۇ. سىرتقى يۈزى قوڭۇر رەڭدىن بېغىر رەڭگىچە،ئازراق پۇرىقى بار. ئازراق قىرتاق تەمى بولۇپ، تىلنى ئازراق غىدىقلايدۇ.ياز ۋە كۈز پەسلىللىرىدە پوتىنى ئاجرىتىۋېلىپ يىغۋىلىنىدۇ،مەملىكىتىمىزنىڭ شەرقى شىمال، خېنەن، خېبىي، خۇبىي قاتارلىق جايلىرىدىن چىقىدۇ.

كۆرۈش قۇۋۋىتىنى ئاشۇرۇش، پەي ۋە چىشلارنى چىڭىتىش،قان تازىلاش، خۇسۇسىيىتىگە ئىگە.

خاس تەسىرى

كۆزنى قۇۋۋەتلەش، كۆزدىكى ماددا ئالمىشىشنى ياخشىلاش، كۆز مىزاجىنى تەڭشەش.

ئەكىس تەسىرى

ئىسسىق مىزاج كىشىلەرگە زىيان قىلىدۇ.

فارماكولوگىيىلىك تەسىرى

تىنچلاندۇرۇش، تۇغۇت چەكلەش، غالجىرلىققا قارشى تۇرۇش، ئۆسمىگە قارشى تۇرۇش، ئىممۇنىتېت كۈچىنى ئاشۇرۇش، ئۇيقۇ كەلتۈرۈش، سەزگۈرلۈككە قارشى تۇرۇش، مىكروپقا قارشى تۇرۇش تەسىرىگە ئىگە.

ئىشقارلار، سېرىق كتونلار، بولساخاردى، تانىن ئامىنو كىسلاتاسى، مىكرو ئېلېمېنتلار.

1. كۆزنى روشەن قىلىش ئۈچۈن، سەرەنسىڭ يوپۇرمىقىنى قاينىتىپ سۈيى كۆزگە تېمىتىلىدۇ ياكى سۈيى ئىچىپ بېرىلىدۇ.

2. چىش تۈۋىنى چىڭىتىش ئۈچۈن، سەرەسنى قاينىتىپ سۈيىدە ئېغىز غار- غار قىلىنىدۇ.

3. جاراھەتنى پىشۇرۇش ئۈچۈن، سەرەسنى سوقۇپ، سۇپۇپ تەييارلاپ، جاراھەتلەرگە چېپىلىدۇ.

4. سەرەسنى چالا سوقۇپ ئىچىدىكى نېپىز قۇۋزىقىنى ئېلىۋېتىپ، تۆت كۈن سۇغا چىلاپ ئاندىن ئۇنىڭدىن ئەرەق تارتىپ 21 كۈن ياكى ئۇنىڭدىن كۆپرەك ۋاقىت ئىستېمال قىلسا يۇقىرىقى كېسەللىكلەرگە پايدا قىلىدۇ: بۇ مەزگىلدە كەكلىك ۋە قۇشقاچ گۆشلىرى يېيىلىدۇ: بۇغداي ۋە گۈرۈچ ئىستېمال قىلىنىدۇ.

دورىلىق ئورنى

دەرەخ پوسـتى.

مىقدارى

5 – 7 گرام

ساقلاش

 قۇرۇتۇلۇپ، ھاۋا ئۆتۈشۈپ تۇرىدىغان قۇرغاق جايدا ساقلىنىدۇ:

تۈزەتكۈچىسى

رەۋغىنى ۋەرد

ئورۇنباسارى

 رۇسۇت

رەزۇل سەرخەس

كۆرۈش قۇۋۋىتى ئاجىزلىقى، چىش تۈۋى بوشاپ كېتىش، پالەچ، لەقۋا، بوغۇم ئاغرىقى، يىرىڭلىق جاراھەت، قۇستۇر ۋە باشقا تېرە كېسەللىكلىرىگە ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]