قارا گىلاس

دەرىخى 

قارا گىلاس دەرىخى ئېگىزلىكى يەتتە مېتىر، دەرەخ قوۋزىقى قارامتۇل كۈلرەڭ . كىچىك شاخلىرى يۇمران، سۇس قوڭۇر رەڭدە ، ئۇزۇن تۈكچىلەر قاپلاپ تۇرىدۇ . قىشلىق بىخلىرى ئۇزۇن تۇخۇم شەكىللىك.

يۇپۇرمىقى 

قارا گىلاس يۇپۇرمىقى ياپلاق شەكىللىك، ئۇزۇن 3-9 سانتىمېتىر ، كەڭلىكى 1.5 - 4 سانتىمېتىر ، ئۇچى ئۇچلۇق،  قۇيرۇق ئۇچى قىسقا ، يۇپۇرماق قىرلىرى چىشلىق بۇلۇپ، ئۈستۈنكى يۈزىنىڭ رەڭگى يېشىل، ئارقا يۈزى سۇس يېشىل ، يۇپۇرماق سېپىنىڭ ئۇزۇنلىقى 0.5 - 1.5 سانتىمىېتر، يۇمشاق تۈكچىلىرى بولىدۇ.

مېۋە شەكلى ۋە تەمى 

قارا گىلاس مېۋە شەكلى يۇمىلاق ، پوستى ئوتتۇراھال قېلىن ، رەڭگى توق بېغىرەڭ ، ئېتى يۇمشاق ، تەمى چۈچۈمەل تاتلىقى ، ئوتتۇراھال ، سۇلۇق، شىرنىلىك ، خۇشنۇي پۇراقلىق ، ئۇرۇقچىسى چوڭ ، ئېتى ئۇرۇقچىسىدىن ئاجرايدۇ . ئىلى رايۇنىدا 8 - ئايدا پىشىدۇ .

قارا گىلاس دەرىخى ئاپتاپ خالايدۇ ، ئىسسىق ۋە نەملىكنى ياخشى كۆرىدىغان  مېۋىلىك دەرەخ ، يىللىق ئوتتۇرىچە ھاۋا تېمپېراتۇرىسى ℃  10 قا ماس كېلىدۇ ، يىللىق ھۆل - يېغىن مىقدارى 600-700 مېللىمېتىر بولغان ،  يىللىق قۇياش نۇرى چۈشۈش ۋاقتى 2600-2800 سائەتتىن يۇقىرى ھاۋا كىلىماتى شارائىتىدا ئۆسىدۇ .  تۇپراق قاتلىمى قېلىن قۇمساڭ تۇپراقلىق يەرنى ياخشى بولىدۇ. توپسىنىڭ يېپىشقاقلىقى ئېغىر بولغان تۇپراقتا ئۆستۈرگەندە يىلتىز سستىمىسى چوڭقۇر بولمايدۇ،  قۇرغاقچىلىققا چىدىمايدۇ ، ھۆلچىلىككە ھەم شامالغا تاقابىل تۇرالمايدۇ . 

قارا گىلاس كۈنگەي كەڭ يوپۇرماقلىق ئورماندا ياكى جۇڭگونىڭ خېيلۇڭجياڭ ، جى لىن، لىياۋ نېڭ ، رۇسىيەنىڭ يىراق شەرق رايونى ، چاۋشيەن، ياپونىيە ۋە شىنجاڭنىڭ ئىلى رايۇنىدا كۆپرەك ئۆستۈرۈلىدۇ . ^[0]