گۈڭگۈرت

گۈڭگۈرت «sulfur» خىمىيەلىك ئېلېمېنت، ئېلېمېنت بەلگىسى S ، ئاتوم رەت نومۇرى 16. 

گۈڭگۈرت سېرىق رەڭلىك كرىستال ماددا بولۇپ، قىيپاش چاسا گۈڭگۈرت ، يەككە يانتو ۋە ئېلاستىك گۈڭگۈرت قاتارلىقلار بار. گۈڭگۈرت ئېلېمېنتى تەبىئەتتە گۈڭگۈرت كىسلاتا تۇزى ياكى گۈڭگۈرتلەشكەن ماددا شەكلىدە مەۋجۇت بولۇپ تۇرىدۇ.

گۈڭگۈرت ئادەم بەدىنىدىكى ئاقسىلنى تەشكىل قىلغۇچى مۇھىم ئېلېمېنت بولۇپ، ئادەمنىڭ ھاياتلىق پائالىيەتلىرىنى داۋاملاشتۇرۇشتا مۇھىم ئەھمىيەتكە ئىگە. گۈڭگۈرت ئاساسلىقى ئوغۇت، مىلتىق دورىسى، سىلىقلاشتۇرغۇچ، ھاشارات يوقىتىش دورىسى ۋە زەمبۇرۇغقا قارشى دورىلارنى ياساشتا ئىشلىتىلىدۇ. گۈڭگۈرت سۇدا ئاسان ئېرىمەيدۇ ، ئېتىل ئالكوگولدا ئازراق ئېرىيدۇ، ئاممىياكلاردا ئاسان ئېرىيدۇ .

ئادەم بەدىنىگە نىسبەتەن ئېيتقاندا، تەبىئىي گۈڭگۈرت زەھەرسىز، زىيانسىز بولىدۇ، بىراق سۇيۇق سۇلفات كىسلاتاسى، سۇلفات، گۈڭگۈرت كىسلاتا تۇزلىرى، گۈڭگۈرت بىرىكمىسى قاتارلىقلار ئۆتكۈر زەھەرلىك بولىدۇ، قويۇق سۇلفات كىسلاتاسى ئادەم بەدىنىدىكى تېرىنى چىرىتىۋېتەلەيدۇ.