كاسىنە

كاسىنەكاسىنىگە ئۇرۇقداش ئۆسۈملۈك بولۇپ، ئېگىزلىكى 100 ~ 50 سانتىمېتر كېلىدۇ؛ غولى تىك،

 ئوتتۇرىسى كاۋاك، كۆپ شاخلىنىدۇ؛ يوپۇرمىقى سوقىچاق تېمىنە شەكلىدە، گىرۋىكى رەتسىز، دولقۇنسىمان چىشلىق بولىدۇ، يوپۇرماقلىرى غولىنىڭ تۈۋىدىن باشلاپ شېخىنىڭ ئۇچىغىچە بارغانسېرى كىچىكلەپ، ئاخىرى يوقىلىدۇ؛ گۈلى قولتۇقىدىن ئۆسكەن بولۇپ،ھاۋا رەڭ كېلىدۇ.

ئائىلىسى

مۇرەككەپ گۈللۈكلەر ئائىلىسىدىكى كۆپ يىللىق سامان غوللۇق، كاسىنىگە ئۇرۇقداش ئۆسۈملۈك.

پۈتۈن چۆپى

ئۈنۈملۈك تەركىبى

پۈتۈن چۆپىنىڭ تەركىبىدە ئىسكۇلېتىن (Esculetin)، ئىسكولىن (Esculin)، سىخورئىن (Cichoriin)، لاكتوتسىن (Lactucin)، لاكتو كوپىكرىن (Lactucopicrin) قاتارلىقلار بار

كېسەللىك مىسالى 

تال ۋە جىگەر ياللۇغى، ئاشقازان ياللۇغى، تال ياللۇغى، سېرىقلىق چۈشۈش، ئىستىسقا، باش ئاغرىقى، سۈيدۈك تۇتۇلۇش قاتارلىقلارغا ئىشلىتىلىدۇ.

ئۆتنى قۇۋۋەتلەش، سۈيدۈك ھەيدەش، قان تازىلاش، غەيرىي تەبىئىي سەپرا خىلىتىنى پىشۇرۇش، قۇرۇق ئىسسىق ۋە ھۆل ئىسسىق كەيپىياتنى تەڭشەش، ئۇسسۇزلۇقنى پەسەيتىش، ئىششىق تارقىتىش، قان تازىلاش، ئاشقازان ۋە جىگەرنى قۇۋۋەتلەش.

خاس تەسىرى 

ئۆتنى قۇۋۋەتلىگۈچى دورا

ئورۇنباسارى

ئاقلەيلى، ھەمشىباھار

ئەكىس تەسىرى

يۆتەل پەيدا قىلىدۇ

تۈزەتكۈچىسى

ئاق شېكەر، بىنەپشە شەربىتى.

ۋەكىل خاراكتېرلىك پىششىق دورا ياسالمىسى

شەربىتى دىنار، ئەرەقى كاسىنە.جەۋھىرى كاسىنە.

كاسىنە گۈلى ھايۋانلارغا ئوكۇل قىلىنسا، مەركىزىي نېرۋا سىستېمىسىنى قوزغىتىپ، يۈرەك ھەرىكىتىنى كۈچەيتىدۇ. قايناتمىسى باكتېرىيىگە قارشى تۇرۇش، قورۇش تەسىرىگە ئىگە.

1. كاسىنە 12 گرامنى قاينىتىپ ئىچسە، سېرىقلىق چۈشۈش تىپىدىكى جىگەر كېسلىگە مەنپەئەت قىلىدۇ.

2. كاسىنە يوپۇرمىقىنىڭ سىقىپ چىقىرىلغان سۈيىدە سەندەلنى سۈرۈپ پىشانىگە چاپسا، ئىسسىقتىن بولغان باش ئاغرىقىنى پەسەيتىدۇ.

3. كۆك كاسىنىنى قائىدە بويىچە سىقىپ، بىر قانچە كۈن 30 مىللىلېتىردىن ئىچىپ بەرسە، تال، جىگەر ۋە ئاشقازان ياللۇغىنى قايتۇرىدۇ.

4. كاسىنىنى سىركەنجىۋىل بىلەن قوشۇپ ئىچسە، ئاشقازانغا پايدا قىلىدۇ، سۈيدۈك ھەيدەپ، سۈيدۈك يولىنى تازىلايدۇ.

يىغىش ۋە ساقلاش

بۇ ئۆسۈملۈك ياز ۋە كۈزدە يىغىۋېلىنىپ ئاپتاپتا قۇرۇتۇپ تەييارلىنىدۇ. ھۆل پېتى دورىغا ئىشلەتسىمۇ بولىدۇ.^[0]