قاقىلە

قاقىلەقاقىلە  بولسا  زەنجىۋىل ئائىلىسىدىكى ئېگىزلىكى 3 ~ 2 مېتىرغىچە ئۆسىدىغان كۆپ يىللىق سامان غوللۇق ئۆسۈملۈك، ئۆسۈملۈك ئىككى خىل بولىدۇ، ئۇنىڭ بىر ىلى چوڭراق كېلىدۇ. بۇ ئادەتتە «چوڭ قاقىلە» دېيىلىدۇ، يەنە بىرى كىچىكرەك كېلىدۇ. بۇ «كىچىك قاقىلە» دېيىلىدۇ)، چوڭ قاقىلىنىڭ قۇرۇتۇلغان پىششىق مېۋىسى بولۇپ، بۇ ئۆسۈملۈكنىڭ مېۋىسى «قاقىلە»، «قاقىلە» نامىدا دورىغا ئشلىتىلىدۇ.10-11- ئايلاردا مېۋىسى قىزىرىپ پىشقاندا يېغۋىلىنىدۇ.ئېلىمىزنىڭ يۈننەن، گۇيجۇ، گۇاڭشى قاتارلىق ئۆلكىلىرىدىن ھەمدە ھىندىستان، نېپال قاتارلىق ئەللەردىن چىقىدۇ.

ئاشقازان، ئۈچەينى قۇۋۋەتلەش، تاماق سىڭدۈرۈش، كېكىرتىش، قورساقتىكى يەلنى تارقىتىش، ئۇسسۇزلۇق پەسەيتىش، ئىچى سۈرۈشنى توختىتىش.

خاس تەسىرى

ئاشقازان-ئۈچەينى قۇۋۋەتلىگۈچى دورا

ئەكىس تەسىرى

ئۈچەيگە قوقۇق يەتكۈزىدۇ، ئۆپكىگە زىيان قىلىدۇ.

فارماكولوگىيىلىك تەسىرى

 1. قىزىتما قايتۇرۇش، ياللۇغ قايتۇرۇش، دەم سىقىلىشنى داۋالاش، ئاغرىق پەسەيتىش رول 2. ئۆي توشقىنىغا بەرسە قان بېسىمىنى دەرھال چۈشۈرگەن. نەپەسنى تېزلەنكەن.

قاقىلە تەركىبىدە %3 ئەتراپىدا ئۇچۇچان ماي بار، ئۇندىن باشقا كراخمال، ماي قاتارلىقلار بار.

قاقىلە1. قاقىلەنى يۇمغاقسۈت ئۇرۇقى، ئارپىبەدىيان بىلەن قورۇپ شېكەر بىلەن سوقۇپ سۇپۇپ تەييارلاپ ئىستېمال قىلسا، ئىچى سۈرۈشنى توختىتىدۇ.

2. قاقىلەنى خولىنجان بىلەن قوشۇپ سوقۇپ، سۇپۇپىنى چىش مىلىكىگە سەپسە، چىش مىلىكى بوشاش، ئېغىز ئىچى مۈدۈر چاقىلىرىغا مەنپەئەت قىلىدۇ.

3. قاقىلە، لاچىندانە ھىندى، گۈل دارچىن، بەدىيان 10 گرامدىن، پىننە 7 گرام قائىدە بويىچە چايلىق تەييارلاپ ئىچسە، ھەزىمنى ياخشىلاپ، يەل ھەيدەيدۇ.

دورىلىق ئورنى

قاقىلىنىڭ قۇرۇتۇلغان پىششىق مېۋىسى

مىقدارى

10 ~ 5 گرام

ساقلىنىدۇ

ئاپتاپتا قۇرۇتۇپ، سالقىن ئورۇندا ساقلىنىدۇ.

تۈزەتكۈچىسى

ئۆپكىگە كەترا، ئۈچەي ئۈچۈن قەنت

ئورۇنباسارى

لاچىندانە، كاۋاۋىچىن

سىفۇفى قاقىلە

ئاشقازان، يۈرەك، مېڭە ئاجىزلىقى، ھەزىم ناچارلىقى، كۆڭۈل ئېلىشىش، ئىچى سۈرۈش قاتارلىقلارغا ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]