بۇلۇڭ يېزىسى

بۇلۇڭ يېزىسىبۇلۇڭ يېزىسى باي ناھىيەسى بازىرىنىڭ شىمال تەرىپىگە جايلاشقان، ناھىيە بازىرى بىلەن بولغان تۈز سىزىق ئارىلىقى 3.1 كىلومېتىر. باي ئويمانلىقىنىڭ ئوتتۇرا قىسىمىغا جايلاشقان. شەرقىي ياتۇر يېزىسى بىلەن تۇتىشىدۇ، غەرب ، جەنۇبىي تەرىپى باي بازىرى بىلەن قوشنا، شەرقىي جەنۇبى كانچى يېزىسى بىلەن تۇتىشىدۇ، غەربىي شىمال تەرىپى  قاراباغ يېزىسى بىلەن تۇتىشىدۇ، شىمالىي تەرىپى تەڭرىتاغقا تۇتىشىدۇ. ئومۇمىي كۆلىمى 464.9 كۋادرات كىلومېتىر كېلىدۇ. يېزىغا قاراشلىق 7 كەنت ئاھالىلەر كومىتېتى، بىر چارۋىچىلىق فېرمىسى بار، نوپۇس 9528 ئادەم .يېزىلىق ھۆكۈمەت ئوتتۇرا بۇلۇڭ كەنتىدە.

بۇلۇڭ يېزىسىبۇلۇڭ يېزىسىنىڭ يەر تۈزۈلۈشى شىمالىي ئېگىز، جەنۇبىي پەس، چېگرا ئىچىنىڭ كۆپ قىسمى تۈزلەڭ، ئاز بىر قىسىمى تاغ جىلغا ئىچىدە.  كىلىماتى ئوتتۇرا مۆتىدىل بەلۋاغنىڭ قۇرۇقلۇق تىپىدىكى كىلىماتىغا كىرىدۇ. يىللىق ئوتتۇرىچە تېمپېراتۇرىسى ℃7.6، يەتتىنچى ئايدا ئوتتۇرىچە ھاۋا تېمپېراتۇرىسى ℃21.4، قىروسىز مەزگىل 163 كۈن ئەتراپىدا، يىللىق ھۆل-يېغىن مىقدارى 96 مىللىمېتىرغا يىتىدۇ. يېزىنىڭ يېزا ئىگىلىكىدە ئاساسلىقى تەڭرىتاغنىڭ قار-مۇز سۈيى ئىشلىتىلىدۇ، چېگرا ئىچىدىكى ئېرىق گىرەلىشىپ كەتكەن، ناھىيەنىڭ قىزىلبايراق شىمالىي تاش ئۆستىڭى ئۈچ تارماق بويىچە يېزىنى توغرىسىغا كېسىپ ئۆتىدۇ، تېرىلغۇ يەرنىڭ ھەممىسى دېگۈدەك سۇغىرىلىدىغان يەر. 

بۇلۇڭ يېزىسىبۇلۇڭ يېزىسى دېھقانچىلىقنى ئاساس قىلىپ، قوشۇمچە چارۋىچىلىق ۋە كىچىك تىپتىكى سانائەت بىلەن شۇغۇللىنىدۇ، 25500 مو تېرىلغۇ يەر بار، ئاساسلىقى بۇغداي، قوناق، قىچا، زىغىر ئۆستۈرىلىدۇ.^[0]