كەرەپشە يىلتىزى

بۇ كۈنلۈكسىمان گۈللۈكلەر ئائىلىسىدىكى ئۆسۈملۈك چىڭسەينىڭ يىلتىزىدىن ئىبارەت بولۇپ، سېلىندىرسىمان شەكلىدە، رەڭگى قارامتۇل قىزىلغا، تەمى ئاچچىق، بىرئاز پۇراقلىق، قاتتىق بولىدۇ.

خىميىۋىلىك تەركىبى

ۋىتامىن C,B,A لارنى تۇتىدۇ.

سۈيدۈك ھەيدەش،قان بېسىمىنى چۈشۈرۈش، نەپەس ھەرىكىتىنىڭ نورمال پائالىيىتىنى ساقلاش قاتارلىقلار.

ئورۇنباسارى

كەرەپشە ئۇرۇقى.

ئەكىس تەسىرى

باشنى قايدۇرىدۇ.

تۈزەتكۈچىسى

ھەسەل.

ۋەكىل خارركتېرلىك پىششىق دورا ياسالمىسى

بۇزۇرى شەربىتى، كاسىنە شەربىتى.

يۇقىرى قان بېسىم، سۈيدۈك تۇتۇلۇش، ھەيز توسۇلۇش، جىگەر قېتىش، قورساققا سۇ چۈشۈش قاتارلىق كېسەللىكلەرگە ئىشلىتىلىدۇ.

1. قىزىلگۈل ۋە كەرەپشە يىلتىزىدىن 10 گرام، كاسىنە ئۇرۇقى 20 گرام، كاسىنە يىلتىزىدىن 15 گرام، ئوغرىتىكەندىن 10 گرام، تاۋۇز ئۇرۇقىدىن 10 گرام، قوغۇن ئۇرۇقىدىن 10 گرام ئېلىپ، قائىدە بويىچە شەربەت تەييارلاپ، مۇۋاپىق مىقداردا ئىچىپ بەرسە توسالغۇلارنى ئىچىپ، ئىششىق قايتۇرىدۇ. سۈيدۈك ھەيدەپ، قان بېسىمنى چۈشۈرىدۇ. 2. خىيارشەنبەردىن 30 گرام، تەمرى ھىندى 20 گرام، كەرەپشە يىلتىزىدىن 15 گرام، كەرەپشە ئۇرۇقىدىن 10 گرام، بىخ سەۋسەدىن 15 گرام ئېلىپ، قائىدە بويىچە، شەربەت تەييارلاپ 30 مىللىلىتىردىن ئىچىپ بەرسە، ھەيزنى راۋانلاشتۇرىدۇ، توسالغۇلارنى ئېچىپ، ياللۇغ قايتۇرىدۇ.^[0]