قاپاق ئۇرىقى

قاپاق ئۇرىقى بولسا كاۋا ئائىلىسىدىكى ئۆسۈملۈك ئاچچىق قاپاق ئۇرۇقى بۇلۇپ،ياپىلاق، تۇخۇم شەكىللىك،ئاق رەڭدە،ئاچچىق،مەملىكىتىمىزدىـن جۈملىدىـن شىنجاڭنىـڭ ھەمـمـە يېرىدىن چىقىدۇ.

غەيرى تەبىئىي سەۋدا خىلتىنى، قۇرۇق سوغۇق كەيپىياتنى تەڭشەش، قىزىتما پەسەيتىش، ئۇسسۇزلۇق پەسەيتىش، سۇيدۈك ھەيدەش، قۇرت ئۆلتۈرۈش قاتارلىق خۇسۇسىيىتى بار.

خاس تەسىرى

خىلىتسىز قۇرۇق سوغۇق كەيپىياتنى تەڭشىگۈچى دورىلار.

ئەكىس تەسىرى

سوغۇق مىجەزلىكلەرگە (بەلغەم مىجەزلىكلەرگە) زىيان قىلىدۇ.

ئۇرۇقنىڭ تەركىبىدە مايلىق ياغ، ئاقسىل قاتارلىقلار بار.

1. قاپاق ئۇرۇقىنى چېقىپ مېغىزىنى يەپ بەرسە   بەدەن ئاجىزلىقى، بۆرەك ئاجىزلىقى، ئىسسىقتىن بولغان يۆتەلگە پايدا قىلىدۇ.

2. قاپاق ئۇرۇقى، چىلان، بىنەپشە، نىلۇپەر، تەمىرى ھىندى قاتارلىق دورىلاردىن مۇۋاپىق ئېلىپ دەملەپ ئىچىپ بەرسە قىزىتما پەسەيتىدۇ. ئۇسسۇزلۇقنى پەسەيتىدۇ.

3. قاپاق ئۇرۇقى، تەرخەمەك ئۇرۇقى، تاۋۇز ئۇرۇقى قاتارلىقلاردىن10 گرامدىن ئېلىپ قاينىتىپ ئىچىپ بەرسە، سۈيدۈكنى راۋان قىلىدۇ.

4. قاپاق ئۇرۇقى، پۇپەل، قەنبىل قاتارلىقلاردىن ھەربىرىدىن10 گرامدىن ئېلىپ قاينىتىپ ئىچىپ بەرسە مەددەقۇرت چۈشۈرىدۇ.

مىقدارى

3 ~5 گرامغىچە.

ساقلاش

قۇرۇتۇپ ساقلىنىدۇ.

ئورۇنباسارى

قاپاق، تاۋۇز ئورۇغى، تەرخەمەك ئۇرۇغى.

تۈزەتكۈچىسى

ھەسەل،ناۋات.

ھەببە دىيدان. ئىتىرفىل دىيدان.

جىگەر كېسەللىكلىرى، ھەر خىل قىزىتما، كۆپ ئۇسساش، قـەنت سـىيىش كېسىـلـى، مـەددە قۇرت كېسەللىكلـىـرى قاتارلىقلارغا ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى.^[0]