تۇخۇمەك مېۋىسى

تۇخۇمەك مېۋىسى  بولسا ئۆسۈملۈك تۇخۇمەكنىڭ مېۋىسى بۇلۇپ،پۇرچاق ئائىلىسىدىكى ئۆسۈملۈككە تەۋە. مېۋىسى پىشقاندا ئۈزۈپ يېغۋىلىنىدۇمەملىكىتىمىزنىڭ ھەرقايسى جايلىرىدىن چىقىدۇ.

خۇسۇسيىتى

قان توختىتىش، ھارارەت پەسەيتىش، جىگەرنى قۇۋۋەتلەش، كۆزنى روشەنلەشتۈرۈش خۇسۇسىيىتى بار.

خاس تەسىرى

قان توختاتقۇچى دورا

ئەكىس تەسىرى

تالغا زىيان قىلىدۇ.

فارماكولوگىيىلىك تەسىرى

يۈرەكنڭ قىسقىراش كۈچىنى كۈچەيتىش، قان ئايلىنىشنى ياخشىلاش، قان تەنتىنى يۇقىرىلىتىش.

ئۈنۈملۈك تەركىبى

بىئولوگىيىلىك ئىشقار، گلۇكوزا، ئاقسىل، دەرەخ يېلىمى.

1. كەترا، نىشاستە، تۇخۇمەك مېۋىسى 5 گرامدىن، كەھرىۋا 3 گرام، بەدىيان 10 گرام، ئانار گۈلى5 گرام، ئەنجىباھار 5 گرام، قائىدە بويىچە سوقۇپ تالقانلاپ ھەسەل بىلەن مەجۈن تاييارلاپ ئىستېمال قىلسا، ئىچكى ئەزالاردىن كەلگەن قاننى توختىتىدۇ.

2. تۇخۇمەك مېۋىسى 5 گرام، ئاق لەيلى ئۇرۇقى 3 گرام، نېلوپەر 5 گرام، كاسىنە ئۇرۇقى 10 گرام، قائىدە بويىچە دەملەپ ئىچىپ بەرسە، جىگەرنى قۇۋۋەتلەپ كۆزنى رۇشەنلەشتۈرىدۇ، ھارارەت پەسەيتىدۇ، ئۇسسۇزلۇقنى تۈگىتىدۇ.

دورىلىق ئورنى

ئۆسۈملۈك مېۋىسى

مىقدارى

6~3 گرامغىچە

ساقلاش

 تازىلاپ قۇرۇتۇپ ساقلىنىدۇ.

تۈزەتكۈچىسى

ئارپىبەدىيەن

ئورۇنباسارى

پاقىيوپۇرمىقى ئۇرۇقى

تۇخۇمەك مېۋىسى دەملىمىسى

جاراھەت قاناش، قانلىق تەرەت، تولغاق، كىچىك تەرەتتىن قان كېلىش، قان قۇسۇش، كۆز قاراڭغۇلىشىشى ، كۆز تورلىشىش ، سۇدا كۆيگەن كۆيۈك قاتارلىقلارغا ئىشلىتىلىدۇ.

كېلىش مەنبەسى(ئەسەر)

ئۇيغۇر تېباىتى خام دورىلار ئىلمى1 (شىنجاڭ تېببي ئۇنۋېرسېتىتى تولۇق كۇرۇس نۇسخسى) . ^[0]