تارباغاتاي ۋىلايەتلىك مائارىپ كومىتېتى

1908-يىلى چۆچەك، شىخۇ قاتارلىق جايلاردا ئوقۇشقا نەسىھەت قىلىش ئورۇنلىرى بولۇپ، يەرلىك ئەمەلدارلارغا ھەمكارلىشىپ، بالىلارنى مەكتەپكە كىرگۈزۈش ئىشلىرى بىلەن شۇغۇللاندى. نەسىھەت ھەم مەكتەپلەرنىڭ خىزمىتىگە مۇپەتتىشلىك قىلدى. 1928-يىلى تارباغاتاي ۋىلايىتىدىكى ھەرقايسى ناھىيىلەردە مائارىپ ئىدارىلىرى قۇرۇلدى. 1929-يىلى مائارىپ بۆلۈمى دەپ ئۆزگەرتىلدى. 1936-يىلى تارباغاتاي ۋىلايەتلىك مەھكىمە مائارىپ ئىدارىسى تەسىس قىلدى. 1939-يىلى ۋىلايەت ئىچىدىكى ھەرقايسى يېزا-بازارلاردا ئىقتىساىي مەدەنىيەت ئورنى تەسىس قىلىندى ھەمدە ئىقتىسادىي مەدەنىيەت ئىشلىرىغا مەسئۇل بولدى. شۇنىڭ بىلەن بىر ۋاقىتتا ھەرقايسى جايلارغا ئىقتىسادىي مەدەنىيەت كادىرلىرى سەپلىدى. 1945-يىلى 8-ئاينىڭ 6-كۈنى ئۈچ ۋىلايەت ئىنقىلابىي ۋاقىتلىق ھۆكۈمىتىنىڭ قارارىغا ئاساسەن تارباغاتاي ۋىلايىتىدە خەلق مائارىپ ئىدارىسى قۇرۇلدى. 1950-يىلى تارباغاتاي ۋىلايەتلىك مەمۇرىي مەھكىمىسى مائارىپ بۆلۈمى تەسىس قىلىندى. 1963-يىلى مەدەنىيەت، مائارىپ، سەھىيە بۆلۈمىگە ئۆزگەرتىلدى. 1964-يىلى مەدەنىيەت، مائارىپ ۋە سەھىيە ئورگىنى ئايرىپ تەسىس قىلىنىپ، مەدەنىيەت مائارىپ بۆلۈمى قۇرۇلدى. 1969-يىلى 4-ئايدا تارباغاتاي ۋىلايەتلىك ئىنقىلابىي كومىتېتى قارىمىقىدا مەدەنىي مائارىپ، سەھىيە گۇرۇپپىسى تەسىس قىلىندى. 1972-يىلى مەدەنىي مائارىپ ئىدارىسى قۇرۇلدى. 1979-يىلى مائارىپ ئىدارىسى ۋە مەدەنىيەت ئىدارىسى تەسىس قىلىنىدى. 1980-يىلى مەدەنىيەت ئىدارىسى بىلەن مائارىپ ئىدارىسى مەدەنىيەت مائارىپ باشقارمىسى قىلىپ بىرلەشتۈرۈلدى. 1981-يىلى مەدەنىيەت باشقارمىسى ۋە مائارىپ باشقارمىسى ئايرىپ تەسىس قىلىندى. 1983-يىلى مەدەنىي مائارىپ باشقارمىسى قۇرۇلدى. 1985-قيىلى مەدەنىي مائارىپ ئورگىنى يەنە ئايرىم تەسىس قىلىندى. 1997-يىلى ۋىلايەتلىك مائارىپ باشقارمىسىنىڭ نامى تارباغاتاي ۋىلايەتلىك مائارىپ كومىتېتىغا ئۆزگەرتىلدى.

 نۆۋەتتە ئۇنىڭ ئىچىدە تەسىس قىلىنغان ئاپپاراتلاردىن كومىتېت ئىشخانىسى، كادىرلار بۆلۈمى، ئاساسىي مائارىپ بۆلۈمى، چوڭلار مائارىپ بۆلۈمى، مالىيە بۆلۈمى، ئوقۇتقۇچىلارنى تەربىيىلەش بۆلۈمى، مۇپەتتىش ئىشخانىسى، ئوقۇغۇچى قوبۇل قىلىش ئىشخانىسى، تىرىشچانلىق بىلەن ئىشلەپ ئىقتىسادچانلىق بىلەن مەكتەپ باشقۇرۇش ئىشخانىسى، خۇلاسە ئىمتىھانى ئىشخانىسى، ئۆزلۈكىدىن ئۆگىنىش ئىمتىھان ئىشخانىسى، ئوقۇتۇش ئۈسكۈنىلەر پونكىتى، مائارىپ تەتقىقات ئىشخانىسى، ئېلېكترلەشكەن مائارىپ سارىيى قاتارلىقلار بار. مەمۇرىي شتاتى 25 نەپەر.