خوتەن قىزىل ئۈزۈمى

خوتەن قىزىل ئۈزۈم سورتى شىنجاڭنىڭ قەدىمكى يەرلىك سورتى بولۇپ ، خوتەن رايۇنىدا كەڭ كۆلەمدە ئۆستۈرۈلىدۇ . 9 - ئاينىڭ ئاخىرلىرى پىشىدۇ .

بۇ سورتنىڭ يۇمران نوتىلىرى سېرىق يېشىل رەڭ ، تۈكسىز ، بىر يىللىق بولغان شاخلىرى قوڭۇر رەڭدە ، بوغۇم ئارلىقى قارامتۇل ، ئۇزۇنلۇقى 10 - 15 سانتىمېتىر ، يوپۇرمىقى قېنىق يېشىل ، شەكلى يۇمىلاق ، ئوتتۇراھال چوڭ ، گىرۋىكى ھەرە چىشسىمان ، بەشكە يىرىلغان ، يۈزى سىلىق تۈكى يوق ، گۇلى قوش جىنىسلىق گۇل ، مېۋە ساپىقى چوڭ ، دىئامىتىرى 14.7 *22.3 سانتىمېتىر ، ئوتتۇرىچە ئېغىرلىقى 700 -900 گرام ، ئەڭ چوڭى 1330 گرام كېلىدۇ .مېۋە دانىسى تەكشى ، مېۋە دانىسى تەكشى ، مېۋىسى قىزىل ياكى قېنىق قىزىل رەڭدە ، پوستى قېلىن ، ئېتىدىن ئاسان ئاجرايدۇ ، ئېتى يۇمشاق ، رەڭگى ئاق سېرىق ، شېرنىسى كۆپ ، تەمى چۈچۈمەل ، قەنت مىقدارى %19 -18، كىسلاتا مىقدارى %0.57 ، سۈپىتى ئوتتۇراھال ، ئۇرۇقى ئىككى تال .^[0]