كاكىنەچ

كاكىنەچبۇ پىدىگەن ئائىلىسىدىكى ئېگىزلىكى 35 ~ 100 سانتىمېتىر ئۆسىدىغان كۆپ يىللىق سامان  غوللۇق ئۆسۈملۈك ئىتئۈزۈمىنىڭ بىر خىل بولغان شوخلەك (酸浆) بولۇپ، قۇرۇتۇلغان مېۋىسى ئۈچ بۇرجەك شەكىللىك، پانۇسسىمان، ئوتتۇرىسى كاۋاك بىر تال قىزىل رەڭلىك مېۋىسى بار، تەمى ئاچچىق، پۇراقلىق، بۇ ئۆسۈملۈكنىڭ مېۋىسى «كاكىنەچ» نامىدا دورىغا ئىشلىتىلىدۇ .

ئائىلىسى

پىدىگەن ئائىلىسىدىكى ئېگىزلىكى 35 ~ 100 سانتىمېتىر ئۆسىدىغان كۆپ يىللىق سامان غوللۇق ئۆسۈملۈك

ئېلىمىزنىڭ كۆپلىگەن جايلىرىدا تېرىپ ئۆستۈرۈلىدۇ، ياۋا ھالدا باغلاردىمۇ ئۆسۈپ قالىدۇ.يەنە چاۋشيەن، ياپونىيە، ياۋرۇپا قاتارلىق جايلاردىنمۇ چىقىدۇ.

ئۈنۈملۈك تەركىبى

گۈل كاسسىسنىڭ تەركىبىدە فىزالئېن (Phiysalien) ئۇرۇقىدا مايلىق ياغ بار.

تەسىرى

ئىششىق قايتۇرۇش، ياللۇغ قايتۇرۇش، قىزىتما چۈشۈرۈش، قان تازىلاش، سۈيدەك ھەيدەش، چىرىشكە قارشى تۇرۇش، دوۋسۇن ۋە جىگەرنىڭ توسالغۇلىرىنى ئېچىش

1. باكتېرىيىگە قارشى تەسىرى: ھۆل كاكىنەچنىڭ سۈيى ئالتۇن رەڭلىك ئۈزۈمسىمان شارچە باكتېرىيىسى، يېشىل يىرىڭلىق تاياقچە باكتېرىيىلىرىنى تورمۇزلايدۇ. 

2. ياپونىيە كاكىنىچى قىزىتما قايتۇرۇش، يۈرەكنى قۇۋۋەتلەش تەسىرىگە ئىگە.كلىنكىدا ئۆتكۈر يىرىڭلىق بادامسىمان بەز ياللۇغى ۋە ئۆتكۈر بوغۇز ياللۇغىنى داۋالاشقا ئىشلىتىلىدۇ.

خاس تەسىرى

ياللۇغ قايتۇرۇش

ئورۇنباسارى

ئىتئۈزۈمى، چۆپچىن

ئەكىس تەسىرى

ئەزالارنى بوشاشتۇرىدۇ.

تۈزەتكۈچىسى

ئەزالارنى بوشاشتۇرىدۇ.

ۋەكىل خاراكتېرلىك پىششىق دورا ياسالمىسى

قۇرسى كاكىنەچ، شەربىتى كاكىنەچ، ئەرىقى كاكىنەچ

سۈيدۈك ئېچىشىپ كېلىش، مەزى بېزى ياللۇغى، گال ئاغرىقى، ئۆتكۈر قىزىتما، قان تولغاق، قان بۇزۇلۇشتىن بولغان تېرە كېسەللىكلىرى، بۆرەك يىرىڭلىق يارىسى، دوۋساق يارىسى، بۆرەك تېشى، يىرىڭ سىيىش، بادامسىمان بەز ياللۇغى قاتارلىقلارغا ئىشلىتىلىدۇ.

ئىشلىتىش مىقدارى

2. ئايال كىشى ھەيزدىن پاك بولغاندىن كېيىنلا كاكىنەچ مېۋىسىدىن يەتتە دانە يېسە ھامىلە بولۇشنى توسايدۇ.

3. كاكىنەچنى سىقىپ سۈيىنى ئىچسە، قاتتىق ئىششىقلارغا ۋە بوۋاسىر ئىششىقلىرىغا پايدا قىلىدۇ.

4. كاكىنەچ يىلتىزىنى سۇغا چىلاپ جاراھەت ۋە ئاقما يارىلارغا سۈركىسە پايدا قىلىدۇ، قۇلاقنىڭ كونا چاقىلىرىنى يوق قىلىدۇ.

5. كاكىنەچنى قاينىتىپ سۈيىدە غار – غار قىلسا، بادامسىمان بەز ياللۇغىغا پايدا قىلىدۇ.

6. كاكىنەچ، بەدىيان، قىزىلگۈل قاتارلىق دورىلارنى مۇۋاپىق مىقداردا ئېلىپ دەملەپ ئىچسە، سۈيدۈكنى راۋانلاشتۇرۇپ ياللۇغ قايتۇرىدۇ.

7. كاكىنەچ، شاھتەررە، يەرلىك شوخلا 10 گرامدىن ئېلىپ، بۇ دورىلارنى قاينىتىپ سىرتتىن يۇسا، قىچىشقاققا مەنپەئەت قىلىدۇ.

مىقدارى

7 ~ 5 گرامغىچە

كۈزدە مېۋىسى قىزارغاندا ئۈزۈپ ئېلىنىدۇ

ساقلاش 

مېۋىسى قۇرۇتۇلۇپ ھاۋا ئۆتۈشىدىغان مۇھىتتا ساقلىنىدۇ.^[0]