ھەببۇلئاس

ھەببۇلئاسھەببۇلئاس بولسا مىرتا ئائىلىسىدىكى دائىم ياشىرىپ تۇرىدىغان چاتقال ئاس دەرەخنىڭ پىشاي دەپ قالغان مېۋىسى بولۇپ«ھەببۇلئاس» نامىدا دورىغا ئىشلىتىلىدۇ.مېۋىسى تۇخۇم شەكلىدە، قارىمۇچ چوڭلىقىدا رەڭگى قارا، ئازراق ئاچچىق، تىلىنى قورۇيدۇ. پىشقاندا ئۈزۈۋېلىپ يېغۋىلىنىدۇ. ھىندىستان، بىرلان ۋە ياۋروپادىن چىقىدۇ.

تۇنۇش 

ئاس دەرەخنىڭ پىشاي دەپ قالغان مېۋىسى بولۇپ«ھەببۇلئاس» نامىدا دورىغا ئىشلىتىلىدۇ.

چىقىش ئورنى 

ھىندىستان، بىرلان ۋە ياۋروپادىن چىقىدۇ.

جاراھەت پۈتتۈرۈش، تەر ۋەقاننى توختىتىش، تۇتۇش، يۈرەك ۋە ئاشقازاننى قۇۋۋەتلەش، ئىچى سۈرۈشنى توختىتىش، ئاغرىق پەسەيتىش، ئىششىق تارقىتىش، چاچ يىلتىزىنى قۇۋۋەتلەش خۇسۇسىيىتى بار.

خاس تەسىرى

قان توختاتقۇچى دورا

ئەكىس تەسىرى

باش ئاغرىقى ۋە ئۇيقۇسىزلىق پەيدا قىلىدۇ.

ئۆنۈملۈك تەركىبى

 ئۇچۇچان ماددا، قلاۋون، ئورگانىك كىسلاتا، قەنت قاتارلىقلار بار.

ھەببۇلئاس1. ھەببۇلئاسىنىڭ ھۆل يوپۇرمىقىنى ئېزىپ كۆيگەن جايغا چاپسا مەنپەئەت قىلىدۇ.

2. ھەببىۇلئاستىن 5 گرام، ئانار گۈلىدىن 5 گرام ئېلىپ سوقۇپ چىشقا چاپسا چىش مىلىكى قاناشقا مەنپەئەت قىلىدۇ.

3. ھەببۇلئاسنىڭ سۈپۇپىدىن 6 گرام ئېلىپ قايناق سۇ بىلەن قوشۇپ ئىچسە، ئىچى سۈرۈش، قان سىيىش ۋە ھەيزنىڭ كۆپ كېلىشىنى تەڭشەيدۇ

دورىلىق ئورنى

پىشاي دەپ قالغان مېۋىسى

مىقدارى

3~5 گرام

ساقلاش

سالقىن جايدا قۇرۇتۇپ ساقلىنىدۇ.

تۈزەتكۈچىسى

گۈلبىنەپشە، ھۆل ئىسسىق تەبىئەتلىك تاماقلار.

ئورۇنباسارى

ئاقاقىيا، رۇسۇت، ئۈجمە.

شەربىتى ھەببۇلئاس، جاۋارىش جالىنۇس.

قاناش، ئىچى سۈرۈش، سۈيدۈك تېمىپ كېلىش، قان سىيىش، ھەيز كۆپ كېلىش، بۆرەك ئاجىزلىقى قاتارلىقلارغا ئىچكى تەرەپتىن؛ ئۆتكۈر ئىششىقلار، يارا، يىرىڭلىق چاقا، كۆيۈك، چىش مىلىكى قاناش، ئېغىز ئاغرىقلىرىغا سىرتتىن ئىشلىتىلىدۇ.

كېلىش مەنبەسى (ئەسەر)

ئۇيغۇر تېباىتى خام دورىلار ئىلمى1 (شىنجاڭ تېببي ئۇنۋېرسېتىتى تولۇق كۇرۇس نۇسخسى).^[0]