خامانچى قوغۇن

خامانچى قوغۇن ئاپتونۇم رايۇنىمىزنىڭ پەيزىۋات ، يوپۇرغا ناھىيەلىرىدە ئۆستۈرۈلىدۇ . بۇ خىل سورتنىڭ ئۆسۈشى كۈچلۈك ، ئاساسىي پىلەكنىڭ ئۇزۇنلۇقى 350 سانتىمېتىر ، توملۇقى 1.7 سانتىمېتىر ، شاخلىنىشى كۈچلۈك ،  پۈتكۈل ئۆسۈپ يىتىلىش ۋاقتى 100 - 105 كۈن ئەتراپىدا ، پىشقاندىكى يەككە ئېغىرلىقى 6 كىلوگرام كېلىدۇ ، بۇ خىل سورت توشۇشقا ، ساقلاشقا چىدامسىز ، كېسەللىككە قارشى تۇرۇشچانلىقى ئاجىز . 

چېچىكى 

بىرىنچى ئاتىلىق گۈل چېچىكى ئاساسىي پىلەكنىڭ ئونىنچى بوغۇمىدا ، بىرىنچى ئانىلىق گۈل چېچىكى ئاساسىي پىلەكنىڭ ئون تۆتىنچى بوغۇمىدىن چىققان يان پىلەكنىڭ بىرىنچى بوغۇمىدا ئۆسىدۇ . ئانىلىق گۈل ئېچىلىپ 49 كۈن بولغاندا مېۋىسى پىشىدۇ . گۈلى قوش جىنىسلىق . 

مېۋىسى 

خامانچى قوغۇننىڭ شەكلى ئوخشاش ئەمەس، دىئامېتىرى 21 * 34.3 سانتىمېتىر ، مېۋىسى پىشقاندا مېۋە شاپىقى تەبىئىي ئۈزۈلمەيدۇ ، شاپاق تەگ رەڭگى بوز رەڭدە بولۇپ ، ئۈستىدە 10 تال يېشىل رەڭلىك تىلىم رەڭگى شەكىللەندۇرگەن ، شاپىقىنىڭ قېلىنلىقى 0.7 سانتىمېتىر ، ئېتىنىڭ قېلىنلىقى 4 سانتىمېتىر ، رەڭگى ئاق يېشىل ، شىرنىلىك ، تالاسى كۆپ ، تەمى ئوتتۇراھال تاتلىق ، قەنت مىقدارى %15 - 9.5 ئەتراپىدا.

ئۇرۇقى

ئۇرۇقى ئاق سېرىق رەڭدە ، ئېللىپىس شەكىللىك ، ئۇزۇنلۇقى 1.6 سانتىمېتر ، كەڭلىكى 0.55 سانتىمېتىر ، مىڭ دانىسىنىڭ ئېغىرلىقى 81.3 گرام كېلىدۇ .^[0]