مىياگى ريوۋتا

«ۋاسكىتبول ماھىرى» دىكى ئاساسلىق پېرسۇناژلارنىڭ بىرى،  شوخوكو كوماندىسىنىڭ غوللۇق توپچىلىرىنىڭ بىرى .توپنى كونتىرول قىلغۇچى بېك .گەرچە بويى ئېگىز بولمىسىمۇ توپ ئېلىپ مېڭىش ماھارىتى تولىمۇ ياخشى يەنە كېلىپ  سۈرئىتى كىشىنى ھەيران قالدۇرغۇدەك تېز ، كوماندىنى يېتەكلەش ئىقتىدارى ھەم قاڭقىش  ماھارىتى يۇقىرى ، ھەركەتلىرى چەبدەس ، ھۆكۈم قىلىش ئىقتىدارى يۇقىرى . توپ مەيدانىدىكى ھۇجۇمنىڭ  باشلىغۇچىسى . ئاياكونى  ياخشى كۆرىدۇ .ئاياكو ئۈچۈن ۋاسكىتبول ئوينىغان ھەم ئاياكونى ئۇنتۇش ئۈچۈن باشقا قىزلار بىلەن ئارلاشقان ، تولۇ 1-يىللىق چېغىدىلا ئون قېتىم قىزلار تەرىپىدىن تاشلىۋېتىلگەن ،  شۇ سەۋەبلىك ساكوراگەى بىلەن تونۇشۇپ ياخشى بۇرادەرلەردىن بولۇپ قالغان . 

مەملىكەتلىك چوڭ مۇسابىقە ئاخىرلىشىپ تاكىنارو كوماندىدىن چېكىنگەندىن كېيىن كوماندا باشلىقى بولغان .

سۈرئىتى

بويى گەرچە ئېگىز بولمىسىمۇ لېكىن مىياگى كاناگاۋا ناھىيىسىدە كۆزگە كۆرۈنىدىغان توپ كونتىرول قىلغۇچى بېك . ئۇنىڭ چەبدەسلىكى دائىم ئېگىز ھەم بەستلىك توپ ماھىرلىرىنى گاڭگىرىتىپ قويىدۇ . كوماندا ھۇجۇمغا ئۆتكەندە تاكىنارو ، رۇكاۋا، مىتسۇئى قاتارلىق نومۇر ئالغۇچى ماھىرلارغا پۇرسەت يارىتىپ بېرىدۇ .دائىم كەسكىن ھەم تېز باس بەرگەن توپ بىلەن قارشى تەرەپنىڭ  مۇداپىئەسىنى  بۆسۈپ ئۆتەلەيدۇ ، يەنە تېخى تېز سۈرئەتتە نومۇر ئالالايدۇ . ساكوراگى ، رۇكاۋا بىلەن ھەمكارلىشىپ تېز ھۇجۇمغا ئۆتىدۇ . 

لېكى يىراقتىن توپ سېلىش ، جازا توپ ئېتىشلىرىنى بېكلارنىڭ ئىچىدە بەك ياخشى دەپ كەتكىلى بولمايدۇ .

يالغان ھەركەت

ئۇ يالغان ھەركەتكە تولىمۇ ماھىر دائىم قارشى تەرەپنى ئالداپ بولۇپ نومۇر ئالىدۇ ، بۇ ماھارىتىنى ساكوراگىغىمۇ ئۆگىتىپ قويغان .

مۇداپىئە

باشلانغۇچتىن باشلاپلا ئارقا مۇداپىئەچى بولۇپۋاسكىتبول ئوينىغان .تولۇققا چىققاندا رىئونان كوماندىسىنىڭ تېرىنىرى تاۋۇكانىڭ تەكلىپ قىلىشىنى  رەت قىلىپ ، ئانزاي تېرىنىرنى ھۆرمەتلىگەنلىكى سەۋەبلىك شوخوكو كوماندىسىغا كىرگەن . لېكىن ۋاسكىتبول ئويناشنى داۋاملاشتۇرۇش  داۋاملاشتۇرماسلىق  توغرىسىدا قاتتىق ئىككىلىنىپ يۈرگەن ، كېيىن ئاياكونىڭ كوماندىغا مەدەت بېرىۋاتقانلىقىنى كۆرۈپ ، بۇ قىزنىڭ جانلىق ، تېتىكلىكىگە ئاشىق بولۇپ قېلىپ قىلچە ئىككىلەنمەيلا ۋاسكىتبول كوماندىسىغا قاتناشقان .

ئۇ ھاكاۋۇر ھەم ئۆزىگە بەكلا ئىشەنگەنلىكتىن ، ناچار ياش مىتسۇئىنىڭ چىشىغا تىگىپ قويىدۇ (ئەمەلىيەتتە مىتسۇئى مىياگىنىڭ كوماندىدا  خاتىرجەم توپ  ئوينىيالىغانلىقىغا قىزغىنغان). مىتسۇئى لۈكچەكلەرنى ئېلىپ مىياگى بىلەن ئۇرۇشقىلى بار، مىياگى ئۆزىنىڭ ئۇلارغا تەڭ كېلەلمەيدىغانلىقىنى  بىلىپ پەقەت باش بولۇپ چىققان  مىتسۇئىنىلە ئۇرىدۇ ، ئەڭ ئاخىرىدا ئۇلار ئىككىسىلا دوختۇرغا كىرىپ قالىدۇ ، بۇ سەۋەبلىك مياگى نۇرغۇن مۇسابىقىلەردىن قۇرۇق قالىدۇ (رىئونان بىلەن بولغان مەشىق مۇسابىقىسىنىمۇ ئۆز ئىچىگە ئالىدۇ ). 

دوختۇرخانىدىن چىققاندىن كېيىن ، مىتسۇئى ئىنتىقام ئېلىش ئۈچۈن ئۇنى ئىزدەپ كېلىدۇ . مىتسۇئى ئۇنىڭغا ئىگۋاگەرلىك قىلىۋاتقاندا ،  ساكوراگى  بىلەن ئاياكونىڭ بىللە كېتىپ بارغانلىقىنى كۆرۈپ ئۇلارنى خاتا چۈشىنىپ قالىدۇ ، قىزىق قانلىقتىن نەق مەيداندا ساكۇراگى بىلەن قول تۇتۇشۇپ قالىدۇ ، بۇ جەرياندا مىتسۇئىلارنىمۇ  خاتا زەخىملەندۈرۈپ قويىدۇ ، بۇ ھەم كېيىنكى تەنتەربىيە زالىدىكى ئۇرۇشنىڭ ئوت پىلتىسى بولۇپ قالىدۇ .  ئۇقۇشماسلىق سەۋەبلىك ساكوراگى ھەم مىياگى ئارىسىدا چۈشەنمەسلىكلەر بولۇپ قالىدۇ، كېيىن كۆڭۈل سىرلىرىنى ئاشكارلىغاندىن كېيىن ئۇلار  ئوخشاشلا قىزلارنىڭ ياخشى كۆرىشىگە ئېرىشەلمەي  قىزلار تەرىپىدىن نۇرغۇن قېتىم تاشلىۋېتىلگەنلىكىنى ئۇقۇپ ، ياخشى بۇرادەرلەردىن بولۇپ قالىدۇ . ئۇلار ئىككىسى سەۋەبلىك ۋاسكىتبول  كوماندىسغا ئۆچ بولۇپ قالغان مىتسۇئى  بىرتوپ بولمىغۇر ياشلارنى تەنتەربىيە زالىغا باشلاپ كېلىپ بۇزغۇنچىلىق قىلىپ ئۆچ ئالماقچى بولىدۇ . مىياگى قول ياندۇرماي ئۆزىنى ناھايىتى  بېسىۋالىدۇ . ساكۇراگىلار قول  چىقارغاندىمۇ قول چىقارمايدۇ ، لېكىن  ئاياكو بىر تەستەك يېگەندە چىداپ تۇرالماي قول ياندۇرىدۇ . كېيىن ساكوراگى قوشونىنىڭ ياردىمىدە بۇ قېتىملىق ئۇرۇش ۋاسكىتبول كوماندىسىغا  دەخلە قىلمىغان ھېساب بولىدۇ . خاتا يولغا ماڭغان مىتسۇئىمۇ بۇ ئۇرۇشتىن كېيىن ئۆزىنىڭ ۋاسكىتبول ئوينىغۇسى بارلىقىنى ئىپادىلەپ ۋاسكىتبول  كوماندىسىغا  قايتىپ كېلىدۇ . 

no.1 توپ كونتىرول قىلغۇچى بېك بولۇشنى نىشان قىلىپ ، شوخوكو كوماندىسى بىلەن بىللە ناھىيەلىك مۇسابىقە ھەم مەملىكەتلىك چوڭ  مۇسابىقەگە  قاتنىشىپ .   كىشىنى ھەيران قالدۇرغۇدەك تېز سۈرئىتى ، كوماندىنى يېتەكلەش ئىقتىدارى ھەمى يۇقىرى قاڭقىش   ماھارىتى ، چەبدەس ھەركەتلىرى ،يۇقىرى  ھۆكۈم قىلىش ئىقتىداربىلەن توپ مەيدانىدىكى ھۇجۇمنىڭ  باشلىغۇچىسى بپلۇپ قالغان . تاكىنارو كوماندىدىن چېكىنگەندىن كېيىن كوماندا باشلىقى بولغان .

خاراكتېرى

مىياگى شوخوكونىڭ كوماندىسىنىڭ بەش مۇھىم  ئەزالىرىنىڭ بىرى بولغان بىلەن قالغان تۆتى بىلەن سېلىشتۇرغاندا ئۇنچە كۆزگە چېلىقمايدۇ . ئۇنىڭ   تالانت ئىگىسى دېگەن ئاتىقى يوق ، ئەگرى-توقاي ئۆسۈپ يېتىلىش ھېكايىلىرىمۇ يوق ، تولۇقسىز چاغدىكى ئىپادىسىمۇ تىلغا ئېلىنمىغان .گەرچە چاقماقتەك تېز سۈرئىتى بولسىمۇ لېكىن نۇرغۇن  كىشىلەر  ئۇنى فۇجىما ، شىنچى ، سىندو قاتارلىقلارنى يېڭەلمەيدۇ دەپ ئويلايدۇ ، ئەمەلىيەتتە مىياگى دەل كىشىلەر ئەڭ سەل قاراپ قالغان ماھىر . 

مىياگى توپ كونتىرول قىلغۇچى بېك بولۇش سالايىتى بىلەن ، ئەڭ ئاۋال ھۇجۇمنى يېتەكلىشى لازىم ، بىر ياخشى بولغان توپ كونتىرول قىلغۇچى بېك چوقۇم سەزگۈر  ھۆكۈم قىلىش ئىقتىدارى ھەمدە بايقاش ئىقتىدارىنى ئۆزىگە مۇجەسسەملەپ توپنىڭ كىرىش نىسبىتى ئاشۇرىشى لازىم .گەرچە ئۆزىمۇ نومۇر ئېلىش  پۇرسىتىگە ئېرىشكەن بولسىمۇ ئەگەر سەپداشلىرىدىن بىرى تېخىمۇ ياخشى پۇرسەتكە ئىگە بولغان ھامان قەتتىي ئىككىلەنمەي توپنى قارشى تەرەپكە  پاس بېرىش لازىم . پەقەت پۈتۈن كوماندىدا باشقىلار تېخىمۇ ياخشى پۇرسەتكە ئېرىشەلمىگەندە ئۇ ئاندىن توپ سېلىپ نومۇر ئالىدۇ . بۇ دەل توپ كونتىرول قىلغۇچى  مۇداپىئەچىنىڭ ئۆزىنى ئىپادىلەش ئىشتىياقىنى كونتىرول قىلىشىنى تەلەپ قىلدۇ . يەنە كېلىپ قارشى تەرەپنىڭ ئىگۋاگەرلىكىگە ئۇچرىغاندا چوقۇم سالماقلىق ئېغىر بېسىقلىق  بىلەن يۈزلىنىش كېرەك ، مەيداندا يۈز بەرگەن ھەرخىل ئالاھىدە ئەھۋاللارغا قاتتىق دىققەت قىلىشى كېرەك .

يەنە كېلىپ مىياگىدىن ئەنسىرەش كەتمەيدۇ ، ئۇ ئەزەلدىن مۇسابىقىنىڭ ئارىسىدا مەيداندىن ئايرىلىپ باققان ئەمەس ، ھەتتا رۇكاۋامۇ بۇ ئىشتىن خالاس بولالمىغان  ئەھۋالدا  ، مىياگى  ھەرقانداق مۇسابىقىدە پۈتۈن مەيداننى تولۇق ئوينىغان . بولۇپمۇ رىئونان بىلەن ھەل قىلغۇچ مۇسابىقىگە چۈشكەندە ، مىياگى گەرچە تۆت قېتىم قائىدىگە خىلاپلىق قىلغان  بولسىمۇ  تولىمۇ تەمكىن ھالدا مۇسابىقىنى داۋاملاشتۇرىدۇ (ئەكسىچە ساكوراگى ، رۇكاۋا ، مىتسۇئىلار قائىدىگە خىلاپلىق قىغاندا چىرايىدىن ئەنسىزلىكى چىقىپلا تۇرىدۇ )، ئۇنىڭدا  قورقۇش يوق  ئۇنىڭدىكى بۇنداق تەمكىنلىكنىڭ مەنبەسى دەل ئىشەنچدۇر . مىياگىنىڭ تەن قۇرۇلىشى ، تەن قۇۋىتىدىن ئېلىپ ئېيتقاندا بۇنداق ئىشەنچنىڭ بولىشى ئوڭاي ئىش ئەمەس .