مېگاپتېرا كىتى

ئەركەك مېگاپتىرا كىتىنىڭ ئۇزۇنلىقى 12.9 مېتىر، چىشى مېگاپتىرا كىتىنىڭ ئۇزۇنلىقى 13.7 مېتىر، 18 مېتىرلىق مېگاپتىرا كىتى بايقالغان. ئېغىرلىغى 25-30 توننا، دۈمبە پالاقچىسى بىر قەدەر كىچىك دۈمبىسى قارا بۇلۇپ داغ سىزىقچىلىرى بار، پالەقچە پۇتى بەك ئۇزۇن بۇلۇپ پۈتۈن بەدىىنىڭ 3 تىن بىرقىسمىنى ئىگەللەيدۇ. قاسراقلىقلار ۋە كىچىك بېلىقلار تۈرى ئۇلارنىڭ ئاساسلىق ئولجىسى.

چىشى مېگاپتىرا كىتى ھەر ئىككى يىلدا بىر قېتىم قورساق كۆتىرىدۇ. قورساق كۆتۈرۈش ۋاقتى ھەر ئىككى يىلدا بىر قېتىم، ھەر قېتىمدا بىرنى تۇغىدۇ. مېگاپتىرا كىتىمۇ باشقا سۈت ئەمگۈچى ھايۋانلارغا ئوخشاشلا سۈتى ئارقىلىق بالىلرىنى بېقىپ چوڭ قىلىدۇ. بالا كىتلەر ھەر ئايدا 40-50 مىڭ گىرام ئېغىرلايدۇ. ئادەتتە ئۇلار 60-70 يىل ياشىيالايدۇ.

مېگاپتىرا كىتىنىڭ كۆپ قىسمى تىنىچ ئوكيان بۆلىكگە تارقالغان. ئومۇمى سانى 4000 ئەتراپىدا، جۇڭگونىڭ خۇاڭخەي، دوڭخەي، نەنخەي رايونلىرىغا تارقالغان. دۆلەت ئىككىنجى دەرىجىلىك قوغدىلدىغان ھايۋانلار قاتارىغا كىرگۈزىلگەن.

گەرچە قوغدىلدىغان ھايۋانلار تۈرىگە كىرگۈزۈلگەن بولسىمۇ لېكىن ئۇلار يەنىلا خاتىرجەم ياشاشقا ئامالسىز قېلىۋاتىدۇ، ساياھەتچىلەر تاشلىغان زور مىقداردىكى سۇلياۋ خالتىلار ئۇلارنىڭ ئىككىنجى تامىقى بۇلۇپ قېلىۋاتىدۇ، مۇشۇنداق كېتىۋەرسە ئۇلارنىڭ نەسلى قۇرۇپ كېتىش ئېھتىماللىقى بار. 2007-يىلى 12-ئاينىڭ 21-كۈنى ياپونىيە ھۆكۈمىتى ياپونىيەنىڭ كىت ئوۋلاشنى قەتئىي مەنئىي قىلىشىنى ئوتتۇرغا قويدى، بۇ ياپونىيەنىڭ 40 يىلدىن بۇيانقى تۇنجى قېتىمىلىق كىت ئوۋلاشنى ئەمەلدىن قالدۇرۇشى بۇلۇپ خەلقىئارانىڭ بىردەك ئالقىشىغا ئېرىشتى. ^[0]