تەرە قوغۇن

تەرە قوغۇن ئاپتونۇم رايۇنىمىزنىڭ مەكىت ناھىيەسىدە ئۆستۈرۈلىدۇ . بۇ خىل سورتنىڭ ئۆسۈشى ئاجىز ، ئاساسىي پىلەكنىڭ ئۇزۇنلۇقى 266 سانتىمېتىر ، توملۇقى 16 سانتىمېتىر ، شاخلىنىشى ئاجىز ، پۈتكۈل ئۆسۈپ يېتىلىش مەزگىلى 80 - 87 كۈن ئەتراپىدا ، پىشقاندىكى يەككە ئېغىرلىقى 3.6 كىلوگرام كېلىدۇ ، بۇ خىل سورت ساقلاشقا چىداملىق ، كېسەللىككە قارشى تۇرۇشچانلىقى ئاجىز . 

چېچىكى 

بىرىنچى ئاتىلىق گۈل چېچىكى ئاساسى پىلەكنىڭ تۆتىنچى بوغۇمىدا ، بىرىنچى ئانىلىق گۈل چېچىكى ئاساسىي پىلەكنىڭ بەشىنچى بوغۇمىدىن چىققان يان پېلەكنىڭ بىرىنچى بوغۇمىدا ئۆسىدۇ. ئانىلىق گۈلى ئېچىلىپ 37 -40 كۈن بولغاندا مېۋىسى پىشىدۇ . گۈلى قوش جىنىسلىق . 

مېۋىسى 

تەرە قوغۇننىڭ شەكلى ئېللىپىسسىمان ، دىئامېتىرى 15 * 23.4 سانتىمېتىر ، مېۋىسى پىشقاندا مېۋە ساپىقى تەبىئىي ئۈزۈلىدۇ ، شاپاق رەڭگى بوز ، ئۈستىدە 10 تال يېشىل رەڭلىك تىلىم ئىزى ۋە يېشىل داغ شەكىللەندۇرگەن ، شاپىقىنىڭ قېلىنلىقى 0.58 سانتىمېتىر ، ئېتىنىڭ قېلىنلىقى 2.9 سانتىمېتر ، رەڭگى كاۋا چېچىكى رەڭ ، تالاسى كۆپ ، ئىسپىرىت تەملىك ، قەنت مىقدارى %11.2 -8.2 ئەتراپىدا.

ئۇرۇقى 

ئۇرۇقى سۇس سېرىق رەڭدە ، ئۇزۇنچاق ئېللىپىس شەكىللىك ، ئۇزۇنلۇقى 1.38 سانتىمېتىر ، كەڭلىكى 0.54 سانتىمېتىر، مىڭ دانىسىنىڭ ئېغىرلىقى 61.8 گرام كېلىدۇ .^[0]