ئاندېس تاغلىرى
ئاندېس تاغلىرى جەنۇبىي ئامېرىكىنىڭ غەربىي قىسمىدىكى كوردىلېر تاغ سىستېمىسىدىكى ئاساسلىق تاغ ھېسابلىنىدۇ.
|
|
چوڭ ئىشلار
سۆرەت ۋە ۋىدىيولار
سۆرەتلەر
ۋىدىيولار
جەنۇبىي ئامېرىكىنىڭ غەربىي قىسمىدىكى كوردىلېر تاغ سىستېمىسىدىكى ئاساسلىق تاغ ھېسابلىنىدۇ. بۇ تاغلار ئۆزئارا تەكشى ھەم دېڭىز قىرغىقى بىلەن ئوخشاش يۇيۇلۇپ تۇرىدۇ. جەنۇبىي ئامېرىكىنىڭ غەربىي تەرىپىنى كېسىپ ئۆتىدۇ. شەرقىي شىمالدىكى تىرىنىراد ئارىلىنىڭ جەنۇبىدىن باشلىنىپ جەنۇبىي ئوتلۇق يەر ئارىلىغا قەدەر 8900 كىلومېتر ئۇزۇنلۇقتا سوزۇلىدۇ. ئوتتۇرا قىسمىدىكى ئەڭ كەڭ جاي 640 كىلومېتر كېلىدۇ. كۆپ قىسىم جايلىرىنىڭ دېڭىز يۈزىدىن ئېگىزلىكى 3000 مېتردىن ئاشىدۇ. خېلى بىر قىسىم تاغ چوققىلىرىنىڭ ئېگىزلىكى 6000 مېتردىن ئاشىدۇ. تاغ چوققىلىرى يىل بويى قار بىلەن قاپلىنىپ تۇرىدۇ. ئاكونگاگۇئا چوققىسىنىڭ ئېگىزلىكى 6964 مېتر بولۇپ، ئامېرىكا قىتئەسى بويىچە ئەڭ ئېگىز چوققا ھېسابلىنىدۇ.
تاغنىڭ جەنۇبىي قىسمىنىڭ يەر ۋەزىيىتى پەسرەك ھەم تار بولۇپ، مۇزلۇقلار، مۇزلۇق كۆللەر تەرەققىي قىلغان تاغنىڭ ئوتتۇرا قىسمىنىڭ يەر ۋەزىيىتى ئەڭ ئېگىز، تاغ ئارىسى ئېگىزلىكلەر بىلەن تاغ جىلغىلىرى ھىنگا مەدەنىيىتىنىڭ ماكانى ھېسابلىنىدۇ. شىمالدا تارماق تاغلار كۆپ، تاغ ئارىلىرىغا كەڭ ۋادىلار بىلەن پەس جايلار جايلاشقان. بۇ جايلاردا يانار تاغلار كۆپ بولۇپ، يەر تەۋرەش بولۇپ تۇرىدۇ. ئاندېس تېغىدىكى تۇپۇنگاتۇ يانار تېغىنىڭ دېڭىز يۈزىدىن ئېگىزلىكى 6800 مېتر بولۇپ، دۇنيادىكى ئەڭ ئېگىز تىرىك(ھەرىكەتتىكى) يانار تاغ ھېسابلىنىدۇ.
ئاندېس تاغلىرى جەنۇبىي ئامېرىكىدىكى نۇرغۇنلىغان دەريالارنىڭ باشلىنىش مەنبەسى بولۇپ، زىچ ئورمانلار بىلەن قاپلىنىپ تۇرىدۇ. نېفىت، مىس، قەلەي، ئالتۇن، كۈمۈش، پلاتىنا، ۋىموت، ۋانادىي، گۈڭگۈرت، سېلىترا قاتارلىق كان بايلىقلقىرى مول. [0]
ئىزدە قامۇسىنى قوللاپ قويۇڭ
پايدىلانغان ماتېرىياللار:
باشقا ئوقۇشلۇقلار :
بەيدۇ قامۇسى
خەتكۈچلەر:
مەنىداش سۆزلۈك:
ئىزدە قامۇسىدىكى مەزمۇنلارنى ئەزالار يوللىغان، بېكەتتىكى مەزمۇنلار ئىزدە تورىنىڭ مەيدانىغا ۋەكىللىك قىلمايدۇ. تېببىي، ئىقتىسادىي، پۇل-مۇئامىلە قاتارلىق ساھالەردە كەسپ ئەھلىلىرىدىن مەسلىھەت سوراڭ.
يۇقارقى سۆزلۈك مەزمۇنىدا خاتا ئۇچۇرلارنى، ئىملا خاتالىقىنى بايقىغان ياكى تولۇقلاشقا تېگىشلىك دەپ قارىغان بولسىڭىز، ئىزدە قامۇسىغا ئەزا بولۇپ كىرىپ، تەھرىرلەپ قويسىڭىز بولىدۇ. ئىزدە قامۇسى ھەممە ئادەم يازالايدىغان، ھەممە ئادەم تەھرىرلىيەلەيدىغان ئۇچۇق ئىنىسكىلوپېدىيە.