جۇڭگودىكى ئەڭ ئۇزۇن قۇملۇق جىلغىسى

 بۇ جىلغىنىڭ ئومۇمىي ئۇزۇنلۇقى 60 نەچچە مىڭ مېتىر بولۇپ ، بۈگۈنگىچە مەملىكەت ئىچىدە بايقالغان ئەڭ ئۇزۇن قۇملۇق جىلغىسى ھېسابلىنىدۇ .

 جىلغا ئىچىنىڭ مەنزىرىسى ئۆزگىرىشچان بولۇپ ، قۇم –شېغىل چۆكمىلىرى خىلمۇخىل ئۆزگىرىپ تۇرىدىكەن . ئالتۇنتاغنىڭ يامغۇر پەسلىدە ئېقىن سۈيىنىڭ يالىشىدىن پەيدا بولغان پەسىل خاراكتېرلىك ئەگرى-بۈگرى دەريا يولى (قانال) دىن بىرى بار ئىكەن ، جىلغا ئىچىدە ئوخشىمىغان تۈردىكى ئۆسۈملۈك يېپىنچىلىرى بار ئىكەن ، جىلغا تۆپىسىدە يەنە جاھاندا تەڭداشسىز پەيسىمان قۇم بارخانلىرى بار ئىكەن . جىلغىنىڭ ئىككى يېنىدا تۈۋرۈكسىمان تاشلار قەد كۆتۈرۈپ تۇرىدىكەن ، قۇم، قورام تاش ، شېغىل قاتارلىق كۆپ خىل تاش قاتلاملىرى بۇ خىلمۇخىل تۈۋرۈكسىمان تاش مەنزىرىلىرىنى شەكىللەندۈرگەن ئىكەن ، ئەڭ ئېگىز يېرى 50 نەچچە مېتىر بولۇپ ، ئىنتايىن ھەيۋەتلىك بولۇپ ، ئادەمنى ھەيران قالدۇرىدىكەن .

    ئىگىلىنىشىچە ، جىلغا ئىچىدىن نۇرغۇن ياۋا تۆگە ۋە جەرەن ئىزلىرى بايقالغان بولۇپ ، بۇنىڭدىن جىلغا ئىچىدە ياۋا تۆگە توپى بارلىقىنى بىلىۋالغىلى بولىدىكەن ، بۇنداق توپ پۈتۈن لوپنۇر ياۋا تۆگە تەبىئىي قوغداش رايونىدىمۇ نىسبەتەن ئاز ئۇچرايدىكەن .

جىلغىنىڭ ئىككى يېنىدىكى تۈۋرۈكسىمان تاش مەنزىرىسى2013-يىلى 11-ئىيۇن ، داڭلىق ئېكسپېدىتسىيەچى ۋۇ شىگۇاڭ ۋە بىر قانچە ئېكسپېدىتسىيە ساياھىتى ھەۋەسكارى چاقىلىق ناھىيە بازىرىدىن 300 نەچچە كىلومېتىر يىراقلىقتىكى لوپنۇر رايونىدا بىر قۇملۇق جىلغىسىنى بايقىدى .

 شۇ كۈنى ، ئېكسپېدىتسىيەچىلەر ئاپتوموبىل ھەيدەپ چاقىلىق ناھىيە بازىرىدىن يولغا چىقىپ ، ئۆلكە تاشيولى 235-لىنىيەسىدىن ئۆتۈپ ، لوپنۇرنىڭ جەنۇبىي گىرۋىكىگە يېتىپ بېرىپ ، ئالتۇنتاغ ئېتىكىنى بويلاپ شەرققە مېڭىپ جىلغىنىڭ كىرىش ئېغىزىغا كەلگەن .^[0]