قەشقەر ئۇيغۇر نەشرىياتى

قەشقەر ئۇيغۇر نەشرىياتى-ئۇيغۇر تىلىدا ھەر خىل كىتابلارنى نەشر قىلىدىغان ئۇنىۋېرسال نەشرىيات بولۇپ، ئاپتونوم رايونلۇق ئاخبارات-نەشرىيات ئىدارىسى باشقۇرىدۇ، بۇ نەشرىيات 1980-يىلى رەسمىي قۇرۇلۇپ، 1981-يىلدىن تارتىپ كىتاب نەشر قىلىشقا باشلىغان. بۇ نەشرىيات سىياسىي-قانۇن، پەلسەپە، ئىقتىساد، يېزا ئىگىلىكى، سانائەت، مەدەنىيەت-مائارىپ، تىل-يېزىق، تارىخ-جۇغراپىيە، سەھىيە، تەبىئىي پەنلەر، بالىلار ئوقۇشلۇقلىرىغا دائىر كىتابلارنى نەشر قىلدۇ. تەھرىر بۆلۈم قارمىقىدا ئەدەبىي ئىجادىيەت گۇرۇپپىسى بار. بۇ گۇرپپا ئاساسەن ئۇيغۇر ئەدىبلىرىنىڭ ئىجادىي ئەسەرلىرىنى نەشرگە تەييارلايدۇ، شۇنداقلا قەرلسىز «كارۋان» ناملىق ئەدەبىي مەجمۇئەنى چىقىرىدۇ. بۇ مەجمۇئەگە ئۇيغۇر ئەدىبلىرىنىڭ پوۋېست، داستان-باللادىلىرى، قىسمەن ھالدا چەت ئەل يازغۇچىلىرىنىڭ نەمۇنىلىك ئەسەرلىرى بېرىلىدۇ. بۇ نەشرىيات ھازىرغىچە ئۇيغۇر ئەدىبلىرىنىڭ 100 پارچىدىن ئارتۇق ئەدەبىي ئەسىرىنى نەشر قىلىپ، ئۇيغۇر ئەدەبىياتىنىڭ تەرەققىياتىغا كۆرۈنەرلىك ھەسسە قوشتى.