ئۆت تېشى كېسەللىكى

ئۆت تېشى كېسەللىكىسەۋەبى: بۇ كېسەللىك، ئۆت سۇيۇقلۇقى تەركىبىدىكى تۇز ماددىلىرىنىڭ كۆپىيىپ كېتىشى، ئۆت خالتىسىنىڭ ياللۇغلىنىشى، ئۆت سۇيۇقلۇقىنىڭ قويۇقلۇقى ئېشىپ كېتىپ، ئاستا-ئاستا چۆكمە شەكىللىنىپ ۋە چۆكمە ماددىلار بىرىكىپ ئۆت خالتىسى ۋە ئۆت نەيچىلىرىدە تاش ھاسىل قىلىش سەۋەبىدىن كېلىپ چىقىدۇ.

ئالامىتى: ئوڭ تەرەپ قورساق جىگەر ساھەسى مۇجۇپ ئاغرىش، توڭۇپ تىترەش، يۇقىرى قىزىتما، سېرىقلىق چۈشۈش قاتارلىق ئالامەتلىرى بىلەن ئىپادىلىنىدۇ.

1-رېتسېپ

ئۆت تېشى كېسەللىكىتەركىبى: چايان كۈلى 10 گىرام، جېنتىيانا بەش گىرام، زەنجىۋىل ئۈچ گىرام، قارىمۇچ ئالتە گىرام، كاكىنەچ 17 گىرام، قۇندۇز قەھرى 12 گىرام، ھەسەل ئۈچ ھەسسە، كەرەپشە ئۇرۇقى سۈيى مۇۋاپىق مىقداردا.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، ھەسەل ۋە كەرەپشە ئۇرۇقى سۈيى بىلەن ئارىلاشتۇرۇپ خېمىر قىلىپ، پۇرچاقتەك چوڭلۇقتا كۇمىلاچ تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا ئۈچ تالدىن ئىستېمال قىلىنىدۇ.

2-رېتسېپ

تەركىبى: ھەجەرۇل يەھۇد 150 گىرام، قاپاق ئۇرۇقى، تەرخەمەك ئۇرۇقى مېغىزى 15 گىرامدىن، چايان 10 گىرام، كاكىنەچ بەش گىرام، جېنتىيانا، تۇرۇپ تۇزى 15 گىرامدىن، ھەسەل ئۈچ ھەسسە.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، ئېرىتىلگەن ھەسەل بىلەن ئارىلاشتۇرۇپ تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا بەش گىرامدىن ئىستېمال قىلىنىدۇ.

3-رېتسېپ

تەركىبى: قوغۇن ئۇرۇقى مېغىزى، تەرخەمەك ئۇرۇقى مېغىزى 15 گىرامدىن، سېمىز ئوت ئۇرۇقى ئالتە گىرام، قاپاق ئۇرۇقى مېغىزى توققۇز گىرام، نىشاستە، كەتىرا، ھەببۇل قۇلت (بىرخىل ماش) ئۈچ گىرامدىن، ھەجەرۇل يەھۇد (جوھۇت تېشى) تۆت گىرام، شېكەر پۈتۈن دورا ۋەزنى بىلەن تەڭ.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، تالقان تەييارلىنىدۇ.

ئىشلىتىش مىقدارى: كۈنىگە بىر قېتىم، ھەر قېتىمدا توققۇز گىرام دورىنى مۇۋاپىق مىقداردا نوقۇت سۈيى بىلەن قوشۇپ ئىستېمال قىلىنىدۇ.