ئەڭ تەس ئېرىيدىغان مېتال

مېتاللار دۇنياسىدىكى ئەڭ تەس ئېرىيدىغان مېتال ۋولفرام ، ئۇنىڭ ئېرىش نۇقتىسى 3410 گرادۇس بولۇپ ، ئالتۇن ئوتتىن قورقمايدۇ دېيىلسىمۇ لېكىن ۋولفرام ئالدىدا يېڭىلگىنىگە تەن بەرمەي قالمايدۇ . 

ئامېركىلىق ئالىم ئىدىسۇننىڭ لامپۇچكىنى كەشىپ قىلغانلىقىنى ھەممىمىز بىلىمىز ، ئۇنىڭ مەيدانغا كېلىشى بىلەن پۈتۈن دۇنيا يورۇپ كەتتى . لېكىن ئەينى ۋاقىتتا لامپۇچكىغا ئىشلىتىلگەن سىمنىڭ ئىسسىقلىققا قارشى تۇرۇشچانلىق تۆۋەن بولغاچقا ، لامپۇچكىنىڭ ئۆمرى قىسقا ئىدى. 

1904-يىلى، ئاۋىستىرلىيەلىك ئالىملاردىن يۇستىر بىلەن فىرمان ۋولفرام سىمىدىن بىرخىل لامپۇچكىنى ياساپ چىقتى . بۇ لامپۇچكا تېخىمۇ يورۇق ھەم تۇراقلىق ئىدى ، ۋولفرام سىمى يۇقىرى تېمپېراتۇرىغا چىداشلىق بەرگەنلىكى ئۈچۈن ،ئۇنىڭدىن ياسالغا لامپۇچكىنىڭ ئۆمرى ئۇزۇن بولدى، بۇنداق لامپۇچكىلار تا بۇگۇنگە قەدەر ئىشلەنمەكتە ، ۋولفرام بىزگە يورۇقلۇق ئاتا قىلدى ئۇ ئىنسانلارنىڭ « يورۇقلۇق پەرىشتىسى» بولۇپ قالدى . 

ۋولفرامنىڭ ئېرىش نۇقتىسى يۇقىرى بولۇپلا قالماستىن بەلكى قاتتىقلىقىمۇ ناھايىتى ياخشى ، ئۇ پولاتقا ئازراق قوشۇلسا پولاتنىڭ قاتتىقلىقى زور دەرىجىدە يۇقىرى كۆتۈرۈلىدۇ ، بۇنداق پولاتلاردا پىچاق قاتارلىقلار ياسىلىدۇ ، ئۇ باشقا مېتاللارنى كېسەلەيدۇ . تەركىبىدە ۋولفرام بولغان پولاتلار يۇقىرى تېمپېراتۇرىغا چىداملىق ، يۇقىرى تېمپېراتۇرىدىمۇ خۇسۇسيىتى ئۆزگەرمەيدۇ ، مەزمۇت ھەم قاتتىقلىقنى ساقلايدۇ ، شۇڭا ۋولفىراملىق پولاتتىن كېسىش ،قىرىش ماتىرىياللىرى ياسىلىدۇ . 

دۆلىتىمىزدە قەدىمكى زاماندىلا تۆمۈرنى خۇددى لاينى كەسكەندەك كېسىدىغان شەمشەر ، قىلىچ قاتارلىقلار ياسالغان . ئالىملار ئۇلارنىڭ تەركىبىنى ئانالىز قىلىپ ، ۋولفىرام بارلىقىنى بىلگەن .

ۋولفىرام تەبىئەت دۇنياسىدىكى رودىلاردا باشقا مېنراللار بىلەن بىرگە ئۇچرايدۇ ، دۆلىتىمىزنىڭ ۋولفىرام زاپىسى دۇنيا بۇيىچە 1 -ئورۇندا تۇرىدۇ .^[0]