شادىنەج

ماش ياكى نوقۇت چوڭلۇقىدىكى يۇمىلاق ياكى ياپىلاق، رەڭگى قىزىل، سېرىق كۈل رەڭ، قارىغا مايىل، كۆكنارنىڭ رەڭگىدە ياكى ئالىيېشىل ھەر خىل رەڭدە بولىدىغان. ئاسان ئېزىلىدىغان بىر خىل تاش  ئۇنىڭدىن باشقا شادىنەجنىڭ قان توختىتىش خۇسۇسىيىتى كۈچلۈك بولغاچقا «قان توختىتىش» دەپمۇ ئاتىلىدۇ. بۇ يەنە كۆپىنچە تۇر تېغىدىن چىقىدىغان بولغاچقا «تۇر تېشى» دەپمۇ ئاتىلىدۇ.

سۈپىتىنى ئېنىقلاش 

بۇنىڭ ئەڭ ياخشىسى ماش شەكىلدە رەڭگى قىزىل كەلگىنىدۇ. مۇشۇنداق كەلگىنى «شادىنەج مىسرى» نامىدا دورىغا ئىشلىتىلىدۇ. ئەڭ ناچىرى كۈل رەڭدە كەلگىنى بولۇپ، بۇ «شادىنەج ھىندى» نامىدا دورىغا ئىلىتىلىدۇ.

دورىلىق ئورنى

تاش جىسمى

ئۈنۈملۈك تەركىبى

تۆمۈر ئوكسىد، تۆمۈر   %70  Pb,Ca,Ar,Al, Sic30% O2 قاتارلىقلار بار. 

ۋەكىل خاراكتېرلىك پىششىق دورا ياسالمىسى

سۇپۇپى سەنگى جاراھەت.

قابىز، ئارتۇق ھۆللۈكنى قۇرۇتۇش، ئىششىق ياندۇرۇش قان توختىتىش جاراھەت ۋە يارىنى پۈتتۈرۈش، پەي ۋە مۇسكۈللارنى قۇۋۋەتلەش، كۆرۈش قۇۋۋىتىنى ئاشۇرۇش ، سۈيدۈك ھەيدەش، ئىچ سۈرۈشنى توختىتىش خۇسۇسىيىتى بار.

خاس تەسىرى

قان توختاتقۇچى دورا

ئورۇنباسارى

كۆيدۈرۈلگەن ماڭنىت تېشى، خۇنسىياۋشان

ئەكىس تەسىرى

دوۋساق، ئاشقازان ۋە ئۈچەيگە زىيان قىلىدۇ.

تۈزەتكۈچىسى

ئەرەب يېلىمى، كەتىرا، زىرىقنىڭ سىقىلغان سۈيى.

1. يۇيۇلغان شادىنەجنـى ئانارنىڭ سۈيى بىلەن ياكـى باشقا مېۋىلەرنىڭ سۈيى بىلەن ئىچسە قان تۈكۈرۈشكە مەنپەئەت قىلىدۇ.

2. يۇيۇلغان سادىنەجنى شاراب بىلەن ئىچسە، سۈيدۈك ھەيدەيدۇ.

3. مۇۋاپىق مىقداردىكى شادىنەجكە قىز تۇغقان ئايالنىڭ سۈتى بىلەن تۇخۇمنىڭ ئېقىنى  ئارىلاشتۇرۇپ كۆزىگە تارتسا، كۆزنىڭ ھەممە كېسەللىرىگە پايدا قىلىدۇ. ساپ سۇ بىلەن تارتسا،  كىرپىكنى يۇمىشىتىدۇ. ئاقاقىيا بىلەن ئارىلاشتۇرۇپ كۆزگە تارتسا، كۆز كېسەللىكىگە پايدا قىلىدۇ.

4. يۇيۇلغان شادىنەجنى سېپىپ بەرسە ياكى مۇناسىۋەتلىك دورىلار بىلەن قوشۇپ   چاپسا، ھەر خىل قاناشنى توختىتىدۇ، ئارتۇق ھۆللۈكنى قۇرۇتىدۇ، بۇۋاسىرغا سېپىپ بەرسە، بوۋاسىر قېنىنى توختىتىدۇ، جاراھەت ۋە يارىلارنىڭ چىرىگەن گۆشلىرىنى تۈگىتىپ، يېڭى گۆش ئۈندۈرىدۇ.

5. شادىنەجنى يۇمغاقسۈتنىڭ سۈيى بىلەن مەلھەم قىلپ چاپسا، مۇدۇر - چوقۇر ۋە سوزۇلما خاراكتېرلىك جاراھەتكە پايدا قىلىدۇ، كۆيۈپ قىزىرىپ قالغان ئورۇنغا سۈرسە مەنپەئەت قىلىدۇ.

مىقدارى

1~2 گرام

ھەر ۋاقىت يىغىۋېلىشقا بۇلىدۇ.

ساقلاش

يۇيۇپ تازىلاپ ساقلىنىدۇ.^[0]