مولداۋىيە

روسىيە فېدېراتسىيەسى تەركىبىدىكى ئىتتىپاقداش جۇمھۇرىيىتىنىڭ بىرى. روسىيە فېدېراتسىيەسنىڭ غەربىي جەنۇبىدىكى دىنېستر دەرياسى بىلەن پرۇت دەرياسى ئوتتۇرىسىغا جايلاشقان. شىمال، شەرق، جەنۇب تەرەپلىرى ئوكرائىنا بىلەن، غەرب تەرىپى رۇمىنىيە بىلەن چېگرىلىنىدۇ. مەيدانى 33 مىڭ 700 كۋادرات كىلومېتىر كېلىدۇ. ئاھالىسى 4 مىليون 105 مىڭدىن ئاشىدۇ (1985) ، مولداۋىيىلىكلەر ئاھالىنىڭ 3/2 قىسمىنى، قالغانلىرىنى ئوكرائىنا، رۇس، يەھۇدى قاتارلىق مىللەتلەر تەشكىل قىلىدۇ. مەركىزى كىشىنېف شەھىرى. بېلتىس، بېندىرىلار مۇھىم شەھەرلىرى ھېسابلىنىدۇ.

ئورنى 

مولداۋىيىدە ئېدىرلىقلار بىلەن تۈزلەڭلىكلەر ئۆزئارا كىرىشىپ كەتكەن، دېڭىز يۈزىدىن ئوتتۇرىچە ئېگىزلىكى 300 مېتىرغا يەتمەيدۇ.

ئىقلىمى

كۆپ قىسىم جايلىرىنىڭ ئىقلىمى مۆتىدىل يايلاق ئىقلىمىغا كىرىدۇ. يىللىق ھۆل-يېغىن مىقدارى 300-500 مىللىمېتىرغا يېتىدۇ.

مولداۋىيە يېرىنىڭ %60 دە تېرىقچىلىق قىلىنىدۇ. يېزا ئىگىلىكىدە ئۈزۈمچىلىك بىلەن باغۋەنچىلىك ئاساسىي ئورۇندا تۇرىدۇ. ئۈزۈمچىلىك مەيدانى پۈتۈن روسىيە فېدېراتسىيەسى ئۈزۈمچىلىك مەيدانىنىڭ 3/1 نى تەشكىل قىلىدۇ. ئۈزۈم، تاماكا ھەم ئەترە مېيى مەھسۇلاتى جەھەتتە روسىيە فېدېراتسىيەسى بويىچە بىرىنچى ئورۇندا تۇرىدۇ. سانائىتى يېزا ئىگىلىك مەھسۇلاتلىرىنى پىششىقلاپ ئىشلەش سانائىتىنى ئاساس قىلىدۇ. ئۈزۈم ھارىقى، مېۋە ھەم سەي كونسېرۋاسى، شېكەر ئىشلەپچىقىرىدۇ. باغۋەنچىلىك تراكتورلىرى بىلەن يېمەك-ئىچمەك ماشىنىسازلىقى مۇھىم ئورۇن تۇتىدۇ. 

 بۇ جاي 14-ئەسىردە مولداۋىيە كىنەزلىكىنىڭ بىر قىسمى بولغان. 1812-يىلى روسىيە تەركىبىگە قوشۇلغان. 1918-يىلى رۇمىنىيىگە تەۋە بولغان. 1940-يىلى روسىيە فېدېراتسىيەسى بىلەن قوشۇلۇپ، مولداۋىيە روسىيە سوتسىيالىستىك جۇمھۇرىيىتى بولۇپ قۇرۇلغان.^[0]