ئادراسمان ئۇرۇقى

ئادراسمان ئۇرۇقى ئۈچ قىرسىمان بۆرەك شەكىللىك ، رەڭگى قارا ياكى قۇڭۇر رەڭلىك ، سىرىتقى كۆرۈنۈشى قوپال، ئىچكى قسىمى ئاق كېلىدۇ. پۇراقلىق تەمى ئاچچىق بۇلۇپ، ئوغرى تىكەن ئائىلسىدىكى كۆپ يىللىق سامان غۇللۇق  ئۆسۈملۈك، كۈزدە ئۇرۇقى پىشقاندا يىغىۋېلىپ ساقلىنىدۇ. ئاساسەن شىنجاڭ ئۇيغۇر ئاپتونۇم رايونىدىن چىقىدۇ.

خۇسۇسيىتى

پەي، مۇسكۇللارنى چىڭىتىش، باھنى قۇۋۋەتلەش، ئىششىق تارقىتىش، نېرۋىنى كۈچەيتىش، سۈيدۈك، ھەيىزنى راۋانلاشتۇرۇش، يەل ھەيدەش خۇسۇسىيىتىگە ئىگە.

تەبىئىتى

ئۈچىنچى دەرىجىدە قۇرۇق ئىسسىق

خاس تەسىرى

پەي،مۇسكۇل ۋە نېرۋىلارنى قۇۋۋەتلەش، ئۇلاردىكى ماددا ئالمىشىشنى ياخشىلاش.

ئەكىس تەسىرى

كۆڭۈل ئاينىتىدۇ ، باش ئاغرىتىدۇ.

فارماكولوگىيىلىك تەسىرى

تەركىبىدىكى بىئولوگىيلىك ئىشقارلار بالياتقۇ بوينى راكى قاتارلىق راك ھۈجەيرىلىرىنى تورمۇزلاش رولىغا ئىگە.

2. مەركىزىي نېرۋا سېستېمىسىنى غىدىقلاش تەسىرى بار .

3. بىئولوگىيلىك ئىشقارلىرىنىڭ قان بېسىمنى تۆۋەنلىتىش، يۈرەك قىسقىراش كۈچىنى ئاشۇرۇش، يۈرەك سوقۇشنى ئاستـىلـىتىش تەسىرى بار . 4. مىكرو ئورگانىـزىملارغا قارشـى تۇرۇش تەسىـرى بار .

1. ئادراسمان ئۇرۇقى، ئاقىر قەرھا ، سۆئىلەپ ، شاقاقۇل قاتارلىقلاردىن 10 گرامدىن ئېلىپ سوقۇپ ھەسەل بىلەن ئارىلاشتۇرۇپ، مەجۈن تەييارلاپ ئىچسە ، باھنى قۇۋۋەتلەش ، پەي مۇسكۇللارنى چىڭىتىش تەسىرىنى بېرىدۇ . 

2.ئادراسمان ئۇرۇقىدىن 10گرام ، بەدىياندىن7 گرام ،تاۋۇز ئۇرۇقىدىن 10 گرام ئېلىپ قاينىپ ئىچسە  سۈيدۈك ۋە ھەيىزنى راۋانلاشتۇرىدۇ.

3. ئۇسىتقۇددۇس ، ئادراسمان ئۇرۇقى ، سازەج ھىندى، سۇمبۇل  ، بادرەنجى بۇيا قاتارلىقلاردىن 5 گرام ئېلىپ ، سوقۇپ ئارىلاشتۇرۇپ چايلىق قىلىپ ئىچسە ئۇنۇتقاقلىق ، مالىخۇلىياغا شىپا بولىدۇ.

دورىلىق ئورنى

ئادراسماننىڭ ئۇرۇقىدىن ئىبارەت.

مىقدارى

2 ~ 6 گرامغىچە 

ساقلاش

ئادراسمان ئۇرۇقىكۈزدە ئۇرۇقى پىشقاندا يىغىۋېلىپ ساقلىنىدۇ.

تۈزەتكۈچىسى

ئەينۇلا ، تەمرى ھىندى ، قارا ئۆرۈك

ئورۇنباسارى

سىيادان سۇزاپ ئۇرۇقى

مەجۈنى ھورمىل ، ئادراسمان يېغى.

 باھ ئاجىزلىقى، پالەچ، لەقۋا، بوغۇم ئاغرىقى، ئېرقۇننىسا، پەي ۋە نېرۋا ئاجىزلىقى، ئۇنۇتقاقلىق، جۇنۇن، سۈيدۈك ۋە ھەيىز راۋان بولماسلىق قاتارلىقلارغا ئىشلىتىلىدۇ.

تەركىبىدە بىئولوگىيىلىك ئىشقار% 3.927-، ئاساسلىقى خارمىن (Harmine) ، خارمالىن (Harmaline) ، پېگانىن  (Peganine) ، دىئوكسىدى ۋازىـسىنـون (Deoxyvasicinone) ، ۋازسـىـن  (vasicine)  قاتارلىـقلار بار، ئۇنىڭدىن باشـقا  يەنـە پېگـانون(Peganone)، گۇئېرسـىتـىن (Guercetin) ، كامفىـرول(Kaempferol) قاتارلىقلارمۇ بار. 

1. تەمى ئاچچىق بولغاچقا، ھەسەل قاتارلىق  قوشۇمچىلار بىلەن بىللە ئىشلىتىش لازىم. 2. باش ئاغرىقىنى كەلتۈرۈپ چىقىرىدىغان بولغاچقا، ئاچچىق ئانار بىلەن بىرگە ئىشلىتىش كېرەك. 

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى1 (شىنجاڭ تېببي ئۇنۋېرسېتىتى تولۇق كۇرۇس نۇسخسى) . ^[0]