تەمىرى ھىندى

تەمىرى ھىندى بولسا  پۇرچاق ئائىلىسىدىكى دائىم كۆكىرىپ تۇرىدىغان ئۆسۈملۈك بۇلۇپ ،ئادەتتە ياۋا دەرەخزارلىق ۋە ئېتىز قىرلىرىدا ئۆسۈپ قالىدۇ،  كۆپىنچە تېرىپ ئۆستۈرۈلىدۇ.مېۋىسى پىشىشقا ئاز قالغاندا ئورۇلىدۇ . ئېلىمىزنىڭ ئىچكىرى ئۆلكىلىرىدىن ھەم ھىندىستان ۋە پاكىستاندىن چىقىدۇ。

خۇسۇسيىتى

غەيرىي تەبىئىي سەپرا خىلىتىنى سۈرۈش، غەيرىي تەبىئىي قان سەپرا خىلىتىنىڭ ئۆتكۈرلۈكىنى پەسەيتىپ قاننى سۇيۇلدۇرۇش، تەڭشەش، ھارارەت ۋە ئۇسسۇزلۇقنى پەسەيتىش، مەنىينى تىزگىنلەش، قۇرۇتۇش، يۈرەك ۋە ئاشقازاننى كۈچەيتىش، ئۈچەينىڭ تۇتۇش كۈچىنى ئاشۇرۇش، كۆڭۈل ئېلىشىش ۋە قۇسۇشنى توختىتىش، قان تازىلاش.

خاس تەسىرى

غەيرى تەبىئى سەپرا خىلىتىنى سۈرگۈچى دورا.

ئەكىس تەسىرى

يۆتەل پەيدا قىلىدۇ، گالغا قۇرۇقلۇق يەتكۈزىدۇ.

فارماكولوگىيىلىك تەسىرى

مېۋە ئېتىنىڭ يەڭگىل دەرىجىدە سۈرۈش تەسىرى، بۇ تەركىبىدە تۇتقان چوڭ مىقداردىكى تارتارىك كىسلاتانىڭ تەسىرى بولۇپ، سۇغا چىلاپ ئالغاندا يۇقىرى تەسىرىنى بېرىدۇ. قايناتقاندا بۇ خىل تەسىر يوقايدۇ.

1. تەمرى ھىندىنى  ئەرقى گۈل، ئەرقى بىدىمىشكى، ئەرقى سەندەللەرنىڭ قايسى بىرى بىلـەن بىـرگـە قائىـدە بويىـچـە ئىچىـپ بەرسـە، يۈرەك رىتىمسىزلىقىغا مەنپەئەت قىلىـدۇ.

2. مۇۋاپىـق مىقداردىـكـى تەمـرى ھىندىـنـى سىركـە بىلەـن ئىچىپ بەرسە، زىيادە ئۇسسۇزلۇقنى باسىدۇ، قۇرۇق ھۆنى توختىتىدۇ، قان بېسىمنى چۈشۈرىدۇ.

3. تەمرى ھىندىلارنىڭ نىلۇپەر، گۈلبېنەپشە، چىلان، ھەر بىرىدىن 10 گرامدىن ئېلىپ دەملەپ ئىچىپ بەرسە، ئىسسىقتىن بولغان زۇكامغا مەنپەئەت قىلىدۇ.

4. لوئۇقى تەمرى ھىندى تەييارلاپ ئىچىپ بەرسە، جىگەر مەنبەلىك ئۇسسۇزلۇقنى باسىدۇ، سەپرانىڭ تېزلىكىنى پەسەيتىدۇ، تەپكە مەنپەئەت قىلىدۇ.

مىقدارى

15 ~ 30 گرام

ساقلاش

قۇرۇتۇپ ساقلىنىدۇ

ئورۇنباسارى

15 ~ 30 گرام

ئورۇنباسارى

زىرىق، ئالوچا

تۈزەتكۈچىسى

چىلان، پىرسىياۋشان، ئەينۇلا، شىكەر

نوموئى تەمىرى ھىندى، مەتبوخى تەمىرى ھىندى

كېسەللىك مىسالى

سەپراۋى قىزىتمىلار، يۈرەك رىتىمسىزلىقى، زۇكام، يۇقىرى قان بېسىم، ئىسستىقتىن بولغان تەپ، ئۆتكۈر ئۇسسۇزلۇق، قۇسۇش، كۆڭۈل ئېلىشىش، مەنىي يۈرۈپ كېتىش، كۆپ ئىھتىلام بولۇش ۋە قىچىشقاق، جوزام ، سۈيدۈك يولىدىكى جاراھەتلەر، سۆزنەك، ئىسسىقتىن بولغان ئىششىق قاتارلىقلارغا ئىشلىتىلىدۇ. 

مېۋىسى تەركىبىدە ھەر خىل قەنتلەر a – تاتىك كىسلاتاسى ( a-Tataric acid )، ئالما كىسلاتاسى (Malic acid)، سىتەرىك كىسلاتا (citric acid )، فورمىك كىسلاتاسى (Formoc acid) قاتارلىق ئورگانىك كىسلاتالار بار.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم (سىناق نۇسخا) شىنجاڭ تېببىي ئۇنىۋېرسىتېتى.^[0]