جىغان

جىغان مېۋىسىنىڭ  رەڭگى توق قىزىل رەڭدە، شار شەكىللىك، ئىچىدىن ئۇرۇق چىقىدۇ، مېغىزى ئاق مايلىق ئازراق پۇراقلىق، مېۋە ئېتى مايلىق، سىلىق، يۇمشاق كېلىدۇ.

جىغان دەرىخى ئىسسققا، قۇرغاقچىلىققا، سوغۇققا چىدامچانلىقى يۇقىرى بۇلۇپ، قۇم-شېغىللىق تۇپراقتىمۇ ئۆسەلەيدۇ. ياش ھەم يىتىلگەن دەرىخى كۈن نۇرىنى ياخشى كۆرىدۇ. تۇپراق قاتلىمى چوڭقۇر، چىرىندى ماددا مىقدارى مول ، سۇ چىقىرىۋېتىشى ياخشى بولغان سەل كىسلاتالىق بولغان تۇپراق ياكى قۇمساڭ ئەت تۇپراق ئۆستۈرسە مۇۋاپىق بولىدۇ.

جىغان يوپۇرماق تاشلايدىغان چاتقال ، ئۇ ئەڭ ئېگىز بولغاندا 10 مېتىر ئەتراپىدا ، كۆپ ھاللاردا 2 - 3 مېتىر ئەتراپىدا ئۆسىدۇ . مېۋىسى قىزغۇچ سېرىق ، موھىتقا ماسلىشىشچانلىقى ناھايىتى يۇقىرى بولۇپ سۇ تۇپراقنى ساقلاش ، بوراندىن مۇداپىيەلىنىش رولى بار ، شۇڭا كىشىلەر ئۇنى « تۇپراقنىڭ يېشىل قوغدىغۇچىسى » دەپ تەرىپلىشىدۇ . تەتقىقات نەتىجىلىرىنىڭ كۆرسىتىشىچە ، جىغان مېۋىسى تەركىبىدە ئادەم بەدىنىگە پايدىلىق 190 خىلدىن ئارتۇق ماددا بار ئىكەن . ئۇ يېنىك سانائەت ، ئالەم قاتنىشى قاتارلىق جەھەتلەردىمۇ ئىشلىتىلىدۇ .

ئۇزۇقلۇق قىممىتى 

جىغان مېۋىسى تەركىبىدە كۆپ خىل ۋىتامىنلار بار، ئۇچۇچان ماددا، گىلىكوزا، مېۋە قەنتى ئومۇمىي مىقدارى %8.5 -%10.5 گىچە. 18 خىل ئامىنو كىسلاتاسى بار.

دورىلىق قىممىتى 

جىغان مېۋىسى ئاپتاپتا قۇرۇتۇپ تەييارلىنىدۇ. دورىغا ھۆل ھالەتتىمۇ ئىشلىتىلىدۇ.

خۇسۇسىيىتى: يۆتەل توختىتىش، بەلغەم بوشىتىش، سۈيدۈك راۋانلاشتۇرۇش، ئىششىقلارنى تارقىتىش رلى بار.

ئىشلىتىلىشى: ھەزىم ئاجىزلىقى، ئىشتىھاسىزلىق، جىگەر قېتىشتىن بولغان سۇلۇق ئىششىقلار، كۆڭۈل ئېلىشىش، قۇسۇش ۋە يۆتەلنى داۋالاشتا ئىشلىتىلىدۇ.

دىققەت قىلىدىغان ئىشلار: سوغۇق مىزاجلارنىڭ بىشىنى ئاغرىتىدۇ.

خېبىېي ، ئىچكى مۇڭغۇل، شەنشى، سەنشى، چىڭخەي، سىچۈەننىڭ غەربىي قىسىملىرى ۋە شىنجاڭنىڭ ھەممە يەرلىرىدىن، بولۇپمۇ جەنۇبىي شىنجاڭ رايونىدىن كۆپرەك چىقىدۇ. ئۆسۈملۈك ياز ۋە كۈز پەسلىدە يىغىۋېلىندۇ.^[0]