كىچىك سۈتلۈك ئوت

كىچىك سۈتلۈك ئوتئۆسۈملۈكنىڭ پۈتۈن چۆپى « سۇسفەندى » نامىدا دورىغا ئىشلىتىلىدۇئۇنىڭ ئاق رەڭلىك سۈتى چىقىدۇ. يەر بېغىرلاپ ئۆسىدۇ. كۆپ شاخلايدۇ.

ئائىلىسى

سۈتلۈك ئوت ئائىلىسىدىكى بىر يىللىق سامان غوللۇق ئۆسۈملۈك.

كىچىك سۈتلۈك ئوتئۆسۈملۈكنىڭ پۈتۈن چۆپى

ئۈنۈملۈك تەركىبى

يىلتىزىنىڭ تەركىبىدە مىلدىرستىل ئالكوھول، تاراكسىرول، كانىزۇئول غولى ۋە يوپۇرمىقىدا فىلاۋونىلار خىلىدىكى كوسموئىن بار.

سەل تۈكلۈك، ئېگىزلىكى15 سانتىمېتىردىن ئاشمايدۇ. رەڭگى ئادەتتە قىزىل رەڭدە بولۇپ، يوپۇرمىقى ئۇدۇل ئۆسىدۇ. ئىلپىس شەكىللىك ياكى چاساشەكىللىك يۇمۇلاق بولىدۇ. ئۇچى گال، تۈۋى سىڭايانراق، چۆرىسىدە ئۇششاق چىشى بار. ئالدى يۈزى توق يېشىل رەڭدە، ئارقا يۈزى كۈلرەڭگە مايىل ئاق بولىدۇ.

كېسەللىك مىسالى 

كۆپ ئېھتىلام بولۇش، مەنىي سۇيۇلۇپ كېلىش، مەنىي تېز يۈرۈپ كېتىش ئاق خۇن كۆپ كېلىش، تولغاق، ئىچى سۈرۈش، ئاشقازان–ئۈچەيدىن قان كېلىش قاتارلىق كېسەللىكلەرگە ئىشلىتىلىدۇ.

 غەيرى تەبىئى بەلغەم خىلىتنى تەڭشەش، ئىچى سۈرۈشنى توختىتىش، مەنىي، سۈيدۈكنى تىزگىنلەش، قان توختىتىش، قان تازىلاش، يىلان زەھىرىنى قايتۇرۇش قاتارلىق خۇسۇسىيىتى بار.

خاس تەسىرى

غەيرى تەبىئى بەلغەم  خىلىتىنى تەڭشىگۈچى دورا

 ئورۇنباسارى

شاھتررە. چوڭ سۈتلۈك ئوت

ئەكىس تەسىرى

ئۆپكىگە زىيان قىلىدۇ

تۈزەتكۈچىسى

 ھەسەل

فارماكولوگىيىلىك تەسىرى

چوڭ تەرەتنى راۋانلاشتۇرۇش، سۈيدۈك ھەيدەش خۇسۇسىيىتى بار.

1. سۈتلۈك ئوتتىن7 گرام ئېلىپ سۈتىنى چىقىرىپ ئىچسە ئىچى سۈرۈشنى توختىتىدۇ.

2. سۈتلۈك ئوت 5 گرام، تاباشى 3 گرام، دورىلارنى سوقۇپ تالقان تەييارلاپ بەرسەك سۆزنەك كېسەللىكىدىكى ئېچىشىشنى، بوۋاسىر ۋە ئۈچەيتىن كەلگەن قاننى توختىتىدۇ.

3. سۈتلۈك ئوتتىن10گرام، شاھتەررە15گرام، چوبچىن7 گرام ئۆشىنە7 گرام دورىلارنى قاينىتىپ ئىچسە قان بۇزۇلۇشتىن بولغان تېرە كېسەللىكىگە مەنپەئەت قىلىدۇ.

4. قەلەي كۈشتىسىنى5 گرام ئېلىپ7 گرام سۈتلۈك ئوتقا ئارىلاشتۇرۇپ ئىچسە، سۆزنەك، مەنى سۇيۇلۇپ كېتىشكە مەنپەئەت قىلىدۇ.

5. سۈتلۈك ئوت7 گرام، قارامۇچ 10 گرام ئېلىپ قاينىتىپ ئىچسە يىلان زەھىرىنى قايتۇرىدۇ.

 7– ئايلاردا يىغىۋېلىنىپ قۇرۇتۇپ ساقلىنىدۇ.^[0]