پىياز ئۇرۇقى

پىياز ئۇرۇقى  بولسا ئۆسۈملۈك پىيازنىڭ ئۇرۇقىدىن ئىبارەت. گۈلسامساق ئائىسىدىكى ئۆسۈملۈك بۇلۇپ رەڭگى قارا رەڭدە، تەمى ئاچچىق، پۇرىقى سۇس كېلىدۇ.كۈز پەسلىدە يىغىۋىلىندۇ . مەملىكىتىمىزدىن جۇملىدىن شىنجاڭدىن ھەم ھىندىستان، پاكىستان قاتارلىق جايلاردىنمۇ چىقىدۇ . 

خۇسۇسيىتى

بۆرەك، باھ ۋە پەيلەرنى قۇۋۋەتلەش، سۈت ۋە مەنىي كۆپەيتىش، سوغۇق يەللەرنى تارقىتىش، سۈيدۈك ۋە ھەيز راۋانلاشتۇرۇش، ھەزىمگە ياردەم بېرىش تېرىگە جۇلا بېرىش، قاننى جانلاندۇرۇش خۇسۇسىيىتى بار.

خاس تەسىرى

بۆرەك ۋە باھنى قۇۋۋەتلىگۈچى دورا

ئەكىس تەسىرى

ئىسسىق مىزاج كىشىلەردە باش ئاغرىقى پەيدا قىلىدۇ .

1. 10 گرام پىياز ئۇرۇقىنى سوقۇپ، 30 گرام ھەسەلگە ئارىلاشتۇرۇپ ئىستېمال قىلسا بۆرەك ۋە باھنى قۇۋۋەتلەيدۇ.

2. پىياز ئۇرۇقى، بەدىيان، قەلەمپۇر، پىننە، زەنجىۋىل قاتارلىقلاردىن 5 گرام ئېلىپ چايلىق ئىچىپ بەرسە، ھەزىمنى ياخشىلاپ يەل تارقىتىدۇ.

3. پىياز ئۇرۇقى، تۇخۇم سېرىقى 5 دانە، ئاقىرقەرھا، سۆئىلەپ، شاقاقۇل، تۇدەرىدىن 10 گرامدىن ئېلىپ سۇپۇپ تەييارلاپ ئىچىپ بەرسە بۆرەك ۋە باھ ئاجىزلىقى، سەيلانى مەنى، سەپلانى رەھىم قاتارلىقلار مەنپەئەت قىلىدۇ.

دورىلىق ئورنى

ئۆسۈملۈك پىيازنىڭ ئۇرۇقى

مىقدارى

3 ـ 4 گىرامنى ئەھۋالغا قاراپ ئىشلىتىلىدۇ.

تۈزەتكۈچىسى

ھەسەل.سىركە،تۇز، لىمۇن سۈيى

ئورۇنباسارى

كۈدە ئۇرۇقى، سىيادان

مەقەۋۋى باھ، لوبوبى كەبىر، ھالۋايى بيزە. مەجۇنى سۇئىلەپ.

 باھ ۋە بۆرەك ئاجىزلىقى، بۆرەك ۋە بەدەن سوۋۇپ كېتىش، نېرۋا، پەي ئاغرىقلىرى، تەڭگىسىمان چاچ چۈشۈش، پالەچ، لەقۋا، رەئىشە، ئاشقازان سوۋۇپ كېتىش، ھەزىم ناچارلىق، سۈيدۈك، ھەيز راۋان بولماسلـىـق، داغ، بەھـەق، بـەرەس، تەمرەتـكـە، بوۋاسىر قاتارلىقلارغا ئىشلىتىلىدۇ.

پىياز ئالما كىسلاتاسى، ئاتسىدۇم مالىكۇم ،فوسفات قەنتى،(فىنىن) ۋە مىكروپ ئۆلتۈرگۈچى ئاللىسولفىت (Allyl sulfide) ، كالتسىي، كالىي، ناترىي، گۈڭگۈرت ۋە تۆمۈر قاتارلىقلار بار.

كېلىش مەنبەسى(ئەسەر)

ئۇيغۇر تېباىتى خام دورىلار ئىلمى1 (شىنجاڭ تېببي ئۇنۋېرسېتىتى تولۇق كۇرۇس نۇسخسى).^[0]