بادامسىمان بەز ياللۇغى

بادامسىمان بەز ياللۇغىسەۋەبى: بۇ كېسەللىك، زىيادە چارچاش، بەدەن ئاجىزلىشىش، سوغۇققا چېلىقىش، زۇكام بولۇش ۋە خىلىتلار تەڭپۇڭلۇقى بۇزۇلۇشى سەۋەبىدىن كېلىپ چىقىدۇ.

ئالامىتى: گال ئاغرىپ، تاماق قىزىرىپ ئىششىپ، يۆتىلىش قىيىنلىشىش، بەدەن ھارارىتى ئۆرلەپ، جۇغ-جۇغ بولۇپ تىترەش، پۈتۈن بەدەن ماغدۇرسىزلىنىش، بولجۇڭ گۆشلەر ۋە بوغۇملار ئاغرىش، بادامسىمان بەزلەر چوڭىيىش، قىزىرىش، ئىششىش، بادامسىمان بەزلەر يۈزىدە يىرىڭلىق توچكىلار كۆرۈلۈش، باش ئاغرىش، قىزىتىش قاتارلىق ئالامەتلەر بىلەن ئىپادىلىنىدۇ.

دائىم يۇتقۇنچاق قىسىمى بىئارام بولۇش، كۆزدە يات ماددا بولۇش سېزىمى , قۇرۇماق , قىچىشتۇرىدىغان , غىدىقلىنىشتىن يۆتىلىش , ئېغىز پۇراش قاتارلىق ئالامەتلەر كۆرۈلىدۇ. 

1-رېتسېپ

تەركىبى: گۈلى بىنەپشە 12 گىرام، ئەنگۈر شىپا، كاسىنە ئۇرۇقى 10 گىرامدىن، تەمرى ھىندى 30 گىرام، خىيارشەنبەر 45 گىرام، ئەرىقى كاسىنە 500 گىرام.

تەييارلاش ئۇسۇلى: دورىلارنى ئەرىقى كاسىنىگە چىلاپ، بىر سوتكا تۇرغۇزۇلۇپ تەييارلىنىدۇ.

ئىشلىتىش مىقدارى: كۈنىگە ئىككى قېتىم، ھەر قېتىمدا 50 ~ 100 گىرام ئىستېمال قىلىنىدۇ.

2-رېتسېپ

بادامسىمان بەز ياللۇغىتەركىبى: گۈلى بىنەپشە، نېلۇپەر، گاۋزىبان، يۇمغاقسۈت، سېمىز ئوت ئۇرۇقى، بېھى ئۇرۇقى، ئاق لەيلى ئۇرۇقى، تەمرى ھىندى، كاكىنەچ 10 گىرامدىن، چىلان، شاتۇت قېقى 20 گىرامدىن، زىغىر، ئەنگۈر شىپا 15 گىرامدىن، ئىسپىغۇل 12 گىرام.

تەييارلاش ئۇسۇلى: دورىلارنى چالا سوقۇپ، دورىلىق چاي تەييارلىنىدۇ.

ئىشلىتىش مىقدارى: كۈنىگە ئۈچ قېتىم چاي ئورنىدا دەملەپ ئىچىلىدۇ.

3-رېتسېپ

تەركىبى: ئاقىرقەرھا 15 گىرام، زۇپا، قۇرۇق ئۈزۈم 10 گىرامدىن، بىخ سەۋسەن 51 گىرام، كاكىنەچتىن 50 گىرام، سۇ بىر لىتىر.

تەييارلاش ئۇسۇلى: دورىلارنى سۇدا قاينىتىپ، سۈيىنىڭ يېرىمى قالغاندا تىرىپلىرىنى سۈزۈۋېتىپ تەييارلىنىدۇ.

ئىشلىتىش مىقدارى: كۈنىگە 5 ~ 6 قېتىم غار غار قىلىنىدۇ.