قارىئۆرۈك

قارىئۆرۈك ئاپتونۇم رايونىمىزنىڭ  قەشقەر ، يەكەن قاتارلىق جايلاردا كۆپىرەك ئۆستۈرۈلىدىغان بولۇپ ، ئاسان زەخمىلىنىدۇ ، ئۇزۇن ساقلىغىلى بولمايدۇ ، شۇڭا ئۇ گۇلە قىلىپ قۇرۇتۇپ ئىشلىتىلىدۇ. قارىئۆرۈك شاپتۇل ، ياۋا بادام ، ئالۇچا ، جىنەستە ، ئەينۇلا ، گىلاس قاتارلىق مېۋىلىك دەرەخلەرگە ئۇلاش ئارقىلىق كۆپەيتىلىدۇ ، 8-ئاينىڭ ئوتتۇرلىرىدىن 9-ئاينىڭ ئوتتۇرلىرىغىچە پىشىدۇ .  

مېۋە شەكلى ۋە تەمى 

تولۇق پىشقاندا قارامتۇل رەڭگە كىرىدۇ ، سۇلۇق ، تەمى چۈچۈمەل ، دانىسى چوڭ بولىدۇ . قارىئۆرۈكنىڭ پوستى نېپىز ، سۇلۇق .

ئۇنىڭ دورىلىق قىممىتى يۇقىرى بولۇپ ، سوغۇققا مايىل ، زەھەرسىز ئىششىقنى قايتۇرۇش ، يۆيەل توختىتىش ، ئىچ سۈرۈش ، تولغاق ، زۇكام قاتارلىق كىسەللەرگە ئۈنۈملۈك مەنپەئەت قىلىدۇ . ئۇنىڭدىن باشقا قارىئۆرۈكتىن مۇراببا ياسىغىلى ، شەرىبەت تەييارلىغىلى بولىدۇ . ^[1]