دائىرىلىك چاچ چۈشۈش

دائىرىلىك چاچ چۈشۈشسەۋەبى: بۇ كېسەللىك، چاچ يىلتىزىنىڭ قان ۋە ئوزۇقلۇق بىلەن تەمىنلىنىشى تەسىرگە ئۇچراش سەۋەبىدىن كېلىپ چىقىدۇ.

ئالامىتى: كۆپىنچە بىر كېچىدىلا مەلۇم ئورۇننىڭ چېچى تەڭگىسىمان تۆكۈلۈش، چاچ چۈشكەن ئورۇن يۇمشاق، پارقىراق، سىلىق بولۇشتەك ئالامەتلەر بىلەن ئىپادىلىنىدۇ.

چاچنىڭ مەلۇم دائىرە ئىچىدە تۆكۈلۈپ چۈشۈش ( بۇ خىل كىسەل تۇيۇقسىز پەيدا بۇلۇپ، ھېچقانداق ئاغرىش، قىچىشىش ئەھۋاللىرى بولمايدۇ. بىر پارچە ياكى بىر قانچە يەردىكى چاچلار چۈشىدۇ،  بۇ خىل چاچ چۈشۈش كۆپىنچە دۈگىلەك ياكى سوقىچاق شەكىللىك ، گىرۋەكلىرى تەكشى بۇلىدۇ ) دىن ئىبارەت بىر خىل چاچ كىسەللىكى بۇلۇپ ، خەلق ئارىسىدا <يىلپىز يالاش يەنى شەيتان يالاش > دەپمۇ ئاتىلىدۇ.

      كىسەللىك سەۋەبى :

      خىلىتلارنىڭ غەيرى تەبىئىي ئۆزگىرىشىدىن، بۇزۇق ماددىلار تۈك بەزلىرىگە تەسىر قىلىش سەۋەبىدىن بولىدۇ. بۇنىڭدىن باشقا، ئىچكى ئاجراتما بەزلەر خىزمىتىنىڭ بۇزۇلىشى ، زەھەرلىنىش، ئىرسىيەت ئامىللىرى، شۇنداقلا روھىي ئامىللارنىڭ تەسرىدىنمۇ بولىدۇ.

1-رېتسېپ

تەركىبى: چىلان يەتتە دانە، گۈلى بىنەپشە، نېلۇپەر، شاھتەررە بەش گىرامدىن، چالا سوقۇلغان كاسىنە يەتتە گىرام، كاسىنە يىلتىزى، سېرىق ھېلىلە، رەيھانگۈل، قىزىلگۈل سەككىز گىرامدىن، سۇ بىر لىتىر.

تەييارلاش ئۇسۇلى: دورىلارنى سۇدا بىرلەشتۈرۈپ سۇغا سېلىپ، سۈيىنىڭ يېرىمى قالغۇچە قايناتقاندىن كېيىن تىرىپلىرىنى سۈزۈۋېتىپ تەييارلىنىدۇ.

ئىشلىتىش مىقدارى: كۈنىگە ئىككى قېتىم، ھەر قېتىمدا 20 گىرامدىن ئىچىلىدۇ.

2-رېتسېپ

دائىرىلىك چاچ چۈشۈشتەركىبى: ئاچچىق لازا، قىزىلباش سامساق 100 گىرامدىن، شاپتۇل مېغىزى يېغىدىن 300 گىرام.

تەييارلاش ئۇسۇلى: لازا بىلەن سامساقنى ئايرىم-ئايرىم سوقۇپ، شاپتۇل مېغىزىنىڭ يېغىغا ئارىلاشتۇرۇپ بىر سوتكا تۇرغۇزغاندىن كېيىن، ماتا بىلەن سىقىپ يېغىنى چىقىرىپ تەييارلىنىدۇ.

ئىشلىتىش مىقدارى: كۈنىگە ئىككى قېتىم يەرلىك ئورۇن سىرتتىن ياغلىنىدۇ.

3-رېتسېپ

تەركىبى: كۇندۇش، شاترەنج ھىندى بىر گىرامدىن، كىرپە يېغى بەش گىرام، قاغا مېڭىسىدىن ئىككى گىرام، زەيتۇن يېغى 50 گىرام.

تەييارلاش ئۇسۇلى: كۇندۇش بىلەن شاترەنج ھىندىنى يۇمشاق سوقۇپ، كىرپە ۋە زەيتۇن يېغىنى ئارىلاشتۇرۇپ، ئۈستىگە قاغا مېڭىسى بىلەن سوقۇلغان دورىلارنى سېلىپ، بىر سوتكا تۇرغۇزغاندىن كېيىن ماتا بىلەن سىقىپ يېغى سۈزۈپ ئېلىنىدۇ.

ئىشلىتىش مىقدارى: 2 ~ 3 كۈندە بىر قېتىم يەرلىك ئورۇن سىرتتىن ياغلىنىدۇ.