تۆگە گۆشى

تونۇشتۇرۇلىشى

بۇ تۆگە ئائىلىسىدىكى قوش لوكىلىق تۆگىدىن ئىبارەت بولۇپ، ئۇنىڭ گۆشى دورا ئورنىدا ئىشلىتىلىدۇ.

تەبىئىتى

ئىككىنچى دەرىجىدە ئىسسىق، ئۈچىنچى دەرىجىدە قۇرۇق.

خۇسۇسىيىتى

«تەبىئەت» نى ۋە يۈرەكنى قۇۋۋەتلەش، قان كۆپەيتىش، يەللەرنى تارقىتىش، رەئىس ئەزالارنى قۇۋۋەتلەش، قىزىتما پەسەيتىش، كونا - يېڭى باش ئاغرىقىنى قالدۇرۇش، سۈيدۈك ھەيدەش، ئاغرىق پەسەيتىش، قان توختىتىش.

ئىشلىتىلىدىغان كېسەللىكلەر

باھ ئاجىزلىق، تەمرەتكە، قارا داغ، بوۋاسىر، خانازىر، ئىستىسقا، سەرتان، پالەچ، نىقرەس، رەئىشە، ئىششىق، يىرىڭلىق جاراھەت ۋە يارا قاتارلىق كېسەللىكلەرگە ئىشلىتىلىدۇ.

ئىشلىتىش ئۇسۇلى

1. گۆشىنى ھەر خىل ئۇسۇلدا پىشۇرۇپ يېسە، باھنى ۋە رەئىس ئەزالارنى قۇۋۋەتلەيدۇ.

2. مۇۋاپىق مىقداردىكى مۇقەلنى كۈدە سۈيىدە ئېرىتىپ، تۆگە يېغى ئارىلاشتۇرۇپ سىرتتىن سۈركىسە، بوۋاسىر دانىلىرىنى يوقىتىدۇ.

3. تۆگە جىگىرىنى مۇۋاپىق مىقداردا ئىستېمال قىلسا، كۆزنى قۇۋۋەتلەيدۇ، كۆزگە چۈشكەن سۇنى يوقىتىدۇ.

ئىشلىتىش مىقدارى

3 ~ 10 گىرام.

زىيانلىق تەسىرى

ئىسسىق مىزاج كىشىلەرگە زىيان قىلىدۇ.

تۈزەتكۈچىسى

سىركە، بىنەپشە، ئاچچىقسۇ.

ئۇرۇن باسارى

بۆرە ئەرمىنى.

چىقىش ئورنى

ئاپتونوم رايونىمىزدىن ھەمدە دۇنيانىڭ ھەر قايسى جايلىرىدىن چىقىدۇ.

پىششىق دورا ياسالمىسى

ئەرقى مائۇل لەھمى.^[0]