دەنزىل بازىرى

مەھەللىگە قاراشلىق 5 كەنت كومتېتى : يېڭى شەھەر يولى مەھەللىسى، دەنزىل كەنتى، شىنچۈي كەنتى، ئاقدۆڭ كەنتى، مازار كەنتى، باغكېرەت كەنتى قاتارلىقلار بار.

يەنجى خۇيزۇ ئاپتونوم ناھىيەسىنىڭ دەنزىل بازىرى 314-دۆلەت يولىنىڭ ئىككى تەرىپىگە جايلاشقان، قاراشەھەر ناھىيەسى بازىرى بىلەن بولغان ئارىلىقى 13 كىلومېتىر، كورلا شەھىرى بىلەن بولغان ئارىلىقى 40 كىلومېتىر، شىمالدا بورقاي يېزىسى بىلەن قوشنا، شەرقتە 27-تۇەن بىلەن چېگرىلىنىدۇ، غەربتە ۋاڭجياجاڭزا چارۋىچىلىق فېرمىسى، چۈچۈكبۇيا مۇھاپىزەت رايونى بىلەن تۇتىشىدۇ، جەنۇب تەرىپى باغراش كۆلى بىلەن تۇتىشدۇ. 

پۈتۈن بازاردىكى ئومۇمىي نۇپۇس 8276 ئادەم، بۇنىڭ ئىچىدە يېزا نوپۇسى 5494 ئادەم ، ئەمگەك كۈچى 1893 ئادەم، كىشى بېشىغا توغرا كېلىدىغان تېرىلغۇ يەر3 مو؛ ئۇيغۇر، خەنزۇ، خۇيزۇ، موڭغۇل قاتارلىق سەككىز مىللەت بار، بۇنىڭ ئىچىدە ئاز سانلىق مىللەت %75 نى ئىگىلەيدۇ. 

دەنزىل بازىرى يەنجى خۇيزۇ ئاپتونوم ناھىيىسىنىڭ غەربىي جەنۇبىغا 12 كىلومېتىر كېلىدىغان جايدا، تۆت ئەتراپى ئايرىم- ئايرىم ھالدا يېزا ئىگىلىك 2-دىۋىزىيە 27-تۇەن، «خۇگۇاڭ» لۈڭگە زاۋۇتى، بورقاي يېزىسى ۋە ئۈچ تۇەن بىلەن قوشنا، پۈتۈن بازارنىڭ شەرقتىن غەربكە ئۇزۇنلۇقى تەخمىنەن سەككىز كىلومېتىر، جەنۇبتىن شىمالغىچە بولغان كەڭلىكى 11.5 كىلومېتىر، ئومۇمىي كۆلىمى 92 مىڭ كىۋادرات كىلومېتىر. 2006-يىلى قارىمىقىدا بەش كەنت كومىتېتى، بىر ئاھالە كومىتېتى، 20 كەنت گۇرۇپپىسى، يېزا ئىگىلىكىگە چېتىشلىق 6 پونكىت قاتارلىقلار بار. يىل ئاخىرىدىكى نوپۇس 9515 ئادەم، بۇنىڭ ئىچىدە يېزا نوپۇسى 5494 ئادەم. ئاز سانلىق مىللەت 7136 ئادەم، نوپۇسنىڭ تۇغۇلۇش نىسبىتى %11.91، تەبىئىي كۆپىيىش نىسبىتى %9.31، تېرىلغۇ يەردىن 200 مىڭ مو بار. كىلىماتى ئىللىق، سۇ مەنبەسى يېتەرلىك، قومۇش كۆپ، مەھسۇلات مىقدارى 15 مىڭ توننا. دېھقانچىلىق مەھسۇلاتلىرىدىن پەمىدۇر، گازىر، تاۋۇز، ئاق گازىر قاتارلىقلار بار. 2006-يىلى يېزا ئىقتىسادىي ئومۇمىي كىرىمى 5715 مىليۇن يۈەنگە يەتكەن. ئاساسلىق دېھقانچىلىق زىرائەت مەھسۇلاتلىرىدىن 4198 توننا ئاشلىق، 160 توننا ياغلىق دان، 320 توننا قىزىلچا، 23760 توننا پەمىدۇر قاتارلىقلار بار. يىل ئاخىرىدا قولدا قالغان چارۋا سانى 14 مىڭ تۇياق، مالىيە كىرىمى 3 مىليون 750 مىڭ يۈەن، دېھقان-چارۋىچىلارنىڭ ئوتتۇرىچە ساپ كىرىمى 4720 يۈەنگە يەتكەن.^[0]