توشقان زەدىكى

توشقان زەدىكى بولسا شۇمبۇيا ئائىلىسىدىكى يۇلغۇن ۋە بۆستىكىننىڭ يىلتىزلىرىدا تەييارتاپ ئۇسىدىغان، كۇپ يىللىق سامان غوللۇق ئۇسۇملۇك بۇلۇپ،ئۆسۇملۇك توشقان زەدىكىنىڭ تەڭگىسىمان گۇشلۇك غولىدىن ئىبارەت.غولى ئەتلىك، سىمىز، شەكلى تۇۋرۇكسىمان، رەڭگى قارامتۇل سېرىق رەڭدە بولىدۇ.ئۇنى دورىغا ئىشلىتىشتە  4- 5 – ئايلاردا ئۇنى يىغىۋىلىندۇ . شىنجاڭ ئۇيغۇر ئاپتۇنۇم رايۇنىنىڭ ھەممە جايلىرىدىن تېپىلىدۇ.

بۆرەكنى قىززىتىش، باھنى قۇۋۋەتلەش، بۆرەك ۋە ئومۇمى بەدەننى قۇۋۋەتلەش، قان ئايلىنىشنى ياخشىلاش، ئۈچەيگە ھۆللۈك يەتكۈزۈپ،چوڭ تەرەتنى راۋانلاشتۇرۇش، 

خاس تەسىرى

بۆرەك ۋە باھنى قۇۋۋەتلىگۈچى دورا،

ئەكىس تەسىرى

 تەستە ھەزىم بولىدۇ، ئىسسىق مىزاج كىشىلەر دىققەت قىلىش كېرەك.

ئۈنۈملۈك تەركىبى

 قۇرۇتۇلغان غولىدا گىلىكوزا، مانتول (Mannitol) ئۇتتاپكا سىنوكىستىك كىسلاتاسى (Snoccitic) ،B –ستوستېرول ،بېتاىن (Betaine) نونىڭ كىسلاتاسى قاتارلىقلار بار. 

فارماكولوگىيىلىك تەسىرى

ئىممۇنېتىت ئىقتىدارىنى كۈچەيتىش، ئوكسىدلىنىشقا قارشى تۇرۇش، قېرىشنى كېچىكتۇرۇش، يۇرەككە قان يەتكۇزۇپ بېرىش، سۈيدۈك ھەيدەش ،جىگەرنى قۇۋەتلەش قاتارلىق تەسىرلىرى بار.

1. توشقان زەدىكى بىلەن كۇدە ئۇرۇقىنى بىرلەشتۈرۈپ قاينىتىپ ئىچسە ،بۆرەك ئاجىزلىقى ۋە ئەرلىك جىنسي ئاجىزلىققا مەنپەئەت قىلىدۇ .

2. توشقان زەدىكى بىلەن داڭگۇينى مۇۋاپىق مىقداردا قاينىتىپ ئىچسە ، ئادەتلەنگەن قەۋزىيەتكە مەنپەئەت قىلىدۇ

دورىلىق ئورنى

توشقان زەدىكىنىڭ تەڭگىسىمان گۇشلۇك غولى.

مىقدارى

8 ـ 12  گىرام.

ساقلاش

ئاپتاپتا قۇرۇتۇپ، يالپاقلاپ،توغراپ تەييارلاپ ساقلىنىدۇ.

تۈزەتكۈچىسى

پىننە ، زىرە 

ئورۇنباسارى

بەھمەنۋەكىل خاراكتېرلىك پىششىق دورا ياسالمىسى

لوبوبى كەبىر

 بۆرەك ئاجىزلىق، ئومۇمى بەدەن ئاجىزلىق، باھ زەئىپلىگى، ئادەتلەنگەن قەۋزىيەت قاتارلىقلارغا ئىشلىتىلىدۇ. 

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى، ^[0]