جۇجياڭ دېلتىسى

جۇجياڭ دېلتىسى گۇاڭدۇڭ ئۆلكىسىنىڭ شەرقىي جەنۇبى قىسمىغا، جۇجياڭ دەرياسىنىڭ تۆۋەن ئېقىنىغا جايلاشقان، ئۇ شىياڭگاڭ ۋە ئاۋمېنغا قوشنا، شەرقىي جەنۇبىي ئاسىيا رايونى بىلەن دېڭىز ئارقىلىق قارشىپ تۇرىدۇ، دېڭىز-قۇرۇقلۇق قاتنىشى قولايلىق، ئېلمىزنىڭ «جەنۇبتىكى چوڭ دەرۋازىسى» دەپ تەرىپلىنىدۇ.

1980-يىلى ئېلىمىزدە تۆت ئالاھىدە ئىقتىسادى رايۇن قۇرۇلغان، بۇنىڭ بىلەن ئېلىمىزدە سىرتقا ئچىۋىتىش مۇساپىسى باشلانغان، بۇلارنىڭ ئىچىدىكى شېنجېن بىلەن جۇخەي جۇجياڭ دېلتىسىغا جايلاشقان. 1985-يىلى پۈتكۈل جۇجياڭ دېلتىسى دېڭىز بويى ئىقتىسادى ئېچۋېتىلگەن رايون قىلىپ تەسىس قىلىنغان. بۇنىڭ بىلەن جۇجياڭ دېلتىسى رايونىدا ئالاھىدە ئىقتىسادى رايون، دېڭىز بويى ئېچۋىتىلگەن شەھەر، ئىقتىسادى ئېچۋېتىلگەن رايوننى ئۆز ئىچىگە ئالغان كۆپ قاتلاملىق ئېچۋېتىلگەن سېستىما شەككىلەنگەن. جۇجىياڭ دېلتىسى ئۆز جايىنىڭ ئەۋزەل شارائىتىدىن پايدىلىنىپ، چەت ئەلدىكى جۇڭگو لۇقلارنى كۆپ مىقداردا مەبلەغ سېلىشقا جەلىپ قىلغان، نەتىجىدە جۇجياڭ دېلتىسى ئېلمىزدىكى سىرتقا قارىتا ئېچىۋېتىلگەن ئالدىنقى سەپ رايونىغا ئايلانغان، شۇنداقلا پۈتۈن مەملىكەتتىكى باشقا رايونلارغا قارىتا ناھايتى ياخشى ئۈلگىلىك ۋە باشلامچىلىق رول ئوينىغان.

20-ئەسىرنىڭ 80-يىلىرىدىن بۇيان، جۇجياڭ دېلتىسى شىياڭگاڭ بىلەن ئاۋمېنغا قوشنا بولۇشتەك ئەۋزەل جۇغراپىيىلىك ئورنىدىن پايدىلىنىپ، شىياڭگاڭ، ئاۋمېننىڭ سانائەت تۈرلىرىنى قۇبۇل قىلغان، چەت ئەلدىن كۆپ مىقداردا مەبلەغ، شۇنىڭ بىلەن بىر قاتاردا ئىلغار تېخنىكا، ئۈسكۈنە، تىجارەت قىلىش ھەم باشقۇرۇش ئۇسۇلى ۋە ئەڭ يېڭى سودا-سانائەت، پەن-تېخنىكا ئۇچۇرلىرىنى كىرگۈزۈپ، توقۇمچىلىق، كىيىم

كېچەك، ئېلىكتىرون ۋە ئالاقىلىشىش ئۈسكۈنىلىرىنى ياساش، ئېلېكتر ماشنىلىرى ۋە سايمانلىرىنى ياساش، ئويۇنچۇق ياساش قاتارلىق ئەمگەك كۈچىگە بولغان ئېھتىياجى بىر قەدەر كۆپ بولغان پىششىقلاپ ئىشلەش ھەم ياساش كارخانىلىرىنى قۇرغان.

جۇجياڭ دېلتىسى رايونىدىكى پىششىقلاپ ئىشلەش ۋە ياساش سانائىتىنىڭ تەرەققىياتى يېمەك-ئىچمەك، كۆڭۈل ئېچىش، تىرانسىپورت قاتارلىق مۇلازىمەت كەسىپلىرىنىڭ تەرەققىياتىغا تۈرتكە بولغان. بۇ غەيرى يېزا ئىگىلىك كەسىپلىرى شۇ جايدىكى ئېشىنچا ئەمگەك كۈچلىرىنى كۆپلىگەن ئىشقا ئورۇنلىشىش پۇرسىتى بىلەن تەمنلەپلا قالماستىن، بەلكى سىرتتىن كەلگەن مىليونلىغان ئەمگەك كۈچلىرىنى جەلىپ قىلغان.

غەيرى يېزا ئىگىلىك كەسىپلىرىنىڭ تەرەققىي قىلىشى ۋە نوپۇسنىڭ كۆچۈپ كىرىشىگە ئەگىشىپ، جۇجياڭ دېلتىسىدىكى رايونىدىكى تەدرىجىي كۆپەيگەن دېھقانچىلىق يېرى سانائەت، قاتناش ۋە شەھەر قۇرلۇشىغا ئىشلىتىلدىغان يەرلەرگە ئۆزگەرتىلگەن، بۇ غەيرىي دېھقانچىلىق يەرلىرى شەھەر ئەتراپى، يېزا ۋە يېزا بازارلىرىغا تارقالغان بولۇپ، ئەسلىدە بار بولغان دېھقانچىلىق يەرلىرى بىلەن تۇتىشىپ، تۇرالغۇ ئۆي ئۈچۈن ئىشلىتىلدىغان يەر، سانائەت ئۈچۈن ئىشلىتىلدىغان يەر، ئۇل مۇئەسسەسە ئۈچۈن ئىشلىتىلدىغان يەر ۋە دېھقانچىلىق يېرى كىرىشپ جايلاشقان ئۆزگىچە يەردىن پايدىلىنىش لاندىشافىتىنى شەككىلەندۈرگەن.