پارىس مۈشۈكى

پارىس مۈشۈكى دۇنيادا كەڭ تارقالغان، مىجەزى مۇلايىم ۋە شوخ، ئىنكاسى تېز، ئىنتايىن ئەقىللىق، ئادەمگە يېقىن تۇرۇشنى بىلىدىغان داڭلىق ئەرمەك مۈشۈك بولۇپ، 16-ئەسىردە فىرانسىيە ئارقىلىق ئەنگىلىيەگە كىرىپ تەدرىجى دۇنياغا تارقالغان ۋە نەچچە ئەسىرلەردىن بۇيان ياۋروپادا ئىسىلزادىلەرنىڭ كەم بولسا بولمايدىغان ئەرمەك ھايۋانلىرىنىڭ بىرى بولۇپ كەلگەن. پارىس مۈشۈكى قىممەتلىك مۈشۈك بولۇپ، ئەسلى ئافغانىستاننىڭ تاغلىق رايونلىرىدىكى يۇڭلۇق مۇلۇنى بىلەن ئاناتولىيە ئىگىزلىكىنىڭ ئەنقەرە مۈشۈكىنىڭ ئەۋلادى دەپ قارىلىدۇ. 

پارىس مۈشۈكىنىڭ يۇڭى ئۇزۇن ۋە قۇيۇق، پىلىدەك يۇمشاق ۋە پاقىراق بولۇپ ، ئىلگىرى تېرىسى ياۋروپادا ئىسىل شارپا ياسايدىغان ماتېرىيال. پارىس مۈشۈكىنىڭ ئادەتتىكى مۈشۈكلەرگە سېلىشتۇرغاندا بېشى يوغانراق، پۇتى قىسقا، بۇرنى قىسقا ۋە پاناق، قۇلىقى كىچىك، كۆزى چوڭ ۋە كۆز ئارىلىقى يېقىن، قۇيرۇقى قىسقا ۋە يۇمىلاق كېلىدۇ. رەڭگى ئىنتايىن كۆپ بولۇپ قىزىل رەڭلىكلىرى بىر قەدەر قىممەتلىك ھىساپلىنىدۇ، ئۆلچەملىك رەڭدىكىلىرىدىن باشقىلىرى، شالغۇت نەسىللىكلىرىنىڭ باھاسى تۆۋەن. 

پارىس مۈشۈكى يىلدا بىر قېتىم 2 دىن 6 گىچە كۆپىيىدۇ. يىمەك ئىچمەك ۋە باشقا ئادەتلىرى ئۆي مۈشۈكى بىلەن ئوخشاش.^[0]