نامەلۇم ئۆلۈم

كالپانا(ئاسىن رولدا ) ئوچۇق-يورۇق ،  زېرەك ، شىجائىتى ئۇرغۇپ تۇرىدىغان ،  ئاقكۆڭۈل ، ئادالەت تۇيغۇسى كۈچلۈك قىز ئىدى . سانجاي سىڭخانىئا مۆتىۋەر سالاپەتلىك ،  ئاقكۆڭۈل ، كېبىرى يوق ، مۇلايىم ئىدى .  ئېسىنى يوقاتقاندىن كېيىنمۇ يەنىلا ناھايىتى كۈچلۈك ئۆچ ئېلىش ھېسسىياتىنى ساقلاپ ، مۇھەببىتى   كالپانا ئۈچۈن ئۆچ ئالماقچى بولىدۇ 

 سانجاي  سىڭخانىيا(ئامىرخان رولدا) ھىندىستاندىكى ئەڭ چوڭ تېلىفون شىركىتىنىڭ دېرىكتورى  . بىر قېتىم شىركەت بىر ئېلان ئورىنى لايىق  تاللاپ ھەم  شۇ جاينى ئىجارىگە ئالماقچى بولىدۇ . بۇ دەل كالپانا تۇرىۋاتقان جاينىڭ ئۆگزىسى بولۇپ قالغان .  شۇنىڭ بىلەن سانجاينىڭ شىركىتىدىكىلەر كالپاناغا تېلفون ئۇرۇپ بۇ ئىشنى ھەل قىلماقچى بولغان ئەمما سىرتتا ئوغۇرلۇقچە  ئاڭلاۋاتقان  ئېلان شىركىتىنىڭ غوجايىنى ، سانجاينى كالپاناغا ئاشىق بولۇپ قاتتىق قوغلىشىۋاتىدۇ دەپ بىلىپ قېلىپ ، كالپاناغا بولغان پوزىتسىيىسىنى  180گىرادۇس بۇرايدۇ . شۆھرەت پەرەسلىك سەۋەبلىك ، كالپانا ئۆزىنى سانجاينىڭ قىز دوستى دەپ ئىقرار قىلىپ ، ئىككىسىنىڭ قانداق  ئۇچراشقانلىقىدا ھېكايە توقۇيدۇ . 

كېيىن كالپانا توقۇغان ھېكايە گېزىتتە ئېلان قىلىنىدۇ ، شۇنىڭ بىلەن بۇ ھەممە كىشى بىلىدىغان يېڭىلىقبولۇپ قېلىپ ، كالپانا ئامالسىزلىقتىن بۇ   ھېكايىنىڭ داۋامىنى داۋاملاشتۇرۇشقا مەجبۇر بولىدۇ . 

سانجاي ئۆزىنىڭ ئەزەلدىن يۈز كۆرۈشۈپ باقمىغان بۇ «قىز دوستى»نى بىر كۆرۈش ئۈچۈن كالپانانى ئىزدەپ بارىدۇ . كالپانا بىلەن تونۇشقاندىن كېيىن ، سانجاي ئۆزىمۇ ئويلاپ باقمىغان  ھالدا ، ئوچۇق-يورۇق ، زېرەك ، شىجائىتى ئۇرغۇپ تۇرىدىغان ، ئاقكۆڭۈل ، ئادالەت تۇيغۇسى كۈچلۈك قىز كالپانانى ياخشى كۆرۈپ قالىدۇ . بىركۈنى ئۆيگە قايتىدىغان ئاپتوبۇستا  ئۇ كالپاناغا «سىزنى ياخشى كۆرىمەن» دەيدۇ . كالپانا بىر كېچىلىك ئىدىيە كۆرەشتىن كېيىن بۇ سانجاينىڭ شىركىتىدىكى «ئاددىي خىزمەتچى»نى  قوبۇل قىلىش قارارىغا كېلىدۇ . 

ئۇلار شۇنىڭ بىلەن شۇنچىلىكىك تاتلىق مۇھەببەت قاينىمغا شۇڭغۇپ كىرىدۇ . سانجاي لوندونغا بېرىپ توختام تۈزمەكچى بولغاندا ،«ئانام ئاغرىپ  قېلىپ ئۆيگە قايتىپ كېلىش توغرا كەلدى »دېگەن يامان غەرەسسىز يالغان گەپ بىلەن ئالدايدۇ . كالپانا بۇنى راست دەپ قېلىپ ئاران سېتىۋالغان  ماشىنىشىنى سېتىۋېتىپ سانجاينىڭ «ئانىسى»غا داۋالىنىش راسخوتى جەملەيدۇ . سانجاينىڭ سولىغا بولسا ، يەرىڭ تەۋەرۈك يەر ئىكەنلىكى ساتسا بولمايدىغانلىقى  ، قەدىرلەش كېرەكلىكىنى ، ماشىنىنى يەنە ئالسا بولىدىغانلىقىنى ئېيتتى . 

كالپانامۇ مۇشۇ ۋاقىتتا گوئاغا بېرىپ ئېلان ئىشلىمەكچى بولغاندا ، بىرتوپ ئەپ قېچىلغان قىزلارنى قۇتقۇزىۋالىدۇ . ئۇنىڭ بۇ قىلمىشى  قارا جەمئىيەت كاتىبېشى گاجىنىنىڭ غەزىپىنى كەلتۈرۈپ قويىدۇ. بۇ سەۋەبلىك كالپانا ئۇنىڭ قەسلىشىگە يولىقىدۇ ، سانجايمۇ شۇ چاغدا  بېشىغا زەخىم يەپ پەقەت 15 مىنۇتلۇقلا ئېسىنى ساقلىيالايدۇ . 

لېكىن ئۇ قەسەم ئېلىشنى ئۇنتۇمىدى ، بەدىنىگە قەسەم ئېلىش توغرىسىدىكى گەپلەرنى چەكتۈرۈپ ، ئىرادىسىگە تايىنىپ قارا جەمئىيەت كاتىبېشىنىڭ  جېنىنى ئالىدۇ .  

ئەڭ ئاخىرىدا ئۇ گۈللۈكتىكى ئورۇندۇقتا ، كەچقۇرۇندا ، يالغۇز ئولتۇرۇپ كالپانانى ئەسلەپ ئولتۇرىدۇ .  

سانجاي  سىڭخانىيا_______________ ئامىرخان

كالپانا________________________ ئاسىن

سۇنىتا________________________ جىئاھخان

گاجىنى_______________________ پرادىپ سىڭ راۋات (Pradeep Singh Rawat)

• سانجاي  سىڭخانىيا
  

ئامىرخان رولدا

ھىندىستاندىكى ئەڭ چوڭ تېلىفون شىركىتىنىڭ دېرىكتورى .گېزىتتە ئېلان قىلىنغان ،  ئۆزىنىڭ ئەزەلدىن يۈز كۆرۈشۈپ باقمىغان بۇ «قىز دوستى»نى بىر كۆرۈش  ئۈچۈن كالپانانى  ئىزدەپ بارىدۇ . كالپانا بىلەن تونۇشقاندىن كېيىن ، سانجاي ئۆزىمۇ ئويلاپ باقمىغان  ھالدا ، ئوچۇق-يورۇق ، زېرەك ، شىجائىتى ئۇرغۇپ تۇرىدىغان ، ئاقكۆڭۈل ، ئادالەت تۇيغۇسى كۈچلۈك  قىز كالپانانى ياخشى كۆرۈپ قالىدۇ . بىركۈنى ئۆيگە قايتىدىغان ئاپتوبۇستا  ئۇ كالپاناغا «سىزنى ياخشى كۆرىمەن» دەيدۇ .لېكىن كالپانا قارا جەمئىيەتنىڭ قىزلارنى ئالداپ سېتىش ئىشلىرىنى پاش قىلىپ قاراجەمئىيەتنىڭ 

قەستلىشىگە ئۇچرايدۇ ، سانجايمۇ شۇ ۋاقىتتا زەخىم يەيدۇ . كېيىن ئۇتۇقلۇق ھالدا قىساس ئالىدۇ . 

• كالپانا 
  

ئوچۇق-يورۇق ، زېرەك ، شىجائىتى ئۇرغۇپ تۇرىدىغان ، ئاقكۆڭۈل ، ئادالەت تۇيغۇسى كۈچلۈك  قىز. مەلۇم سەۋەبلەر تۈپەيلىدىن سانجاي بىلەن يالغان مۇھەببەت ھېكايىسىنى توقۇپ  سانجاي بىلەن تونىشىپ قالىدۇ . لېكىن ئۇ سانجاينى پەقەت «ئاددىي خىزمەتچى» دەپ ق اراپ قالىدۇ  . ھەتتا سانجاينى ياخشى كۆرۈپ قالغاندىن كېيىن چىن مۇھەببەتنى دەپ  ئۇنىڭ «ئاددىي خىزمەتچى» بولىشى بىلەنمۇ ھېسابلاشماي ئۇنىڭ مۇھەببە ئىزھار قىلىشىنى قوبۇل قىلىدۇ . سانجاي  ئۆيۈمگە قايتىپ ئانامنى داۋالىتىمەن دېگەندە سېتىۋالغان  ماشىنىسىنى سېتىۋېتىپ داۋالىنىش راسخوتى جەملەيدۇ . مۇشۇنداق ئاق كۆڭۈل بولغان  سەۋەبلىك گوئاغا ماڭغان پويىزدا بىرتوپ ئالداپ سېتىۋېتىلىدىغان قىزلارنى قۇتقۇزۇپ ، قارا جەمئىيەت تەرىپىدىن ئۆلتۈرۈلىدۇ .

• سۇنىتا
  

ئۇ بولسا دوختۇر ، بىمارلارنىڭ ئېسىنى يوقىتىش توغرىسىدىكى ئارخىبلارنى تەكشۈرەيدۇ ، سانجاينىڭ مەسئۇل دوختۇرى بولىدۇ . 

1. بۇ فىلىم ئوخشاش بىر رېژىسسورنىڭ تامىل تىلىدىكى «مەلۇم ئۆلۈم » دېگەن قىلىمىنى قايتا سۈرەتكە ئېلىشتىن دۇنياغا كەلگەن ، لېكىن ئەسلىدىكى فىلىمدىن پەقەت ئاسىنلا رولغا چىقىپ باشقا  ئاساسلىق پېرسۇناژلار  پۈتۈنلەي ئالماشقان .
   
2. ھىندىستاندىكى تۇنجى زوراۋانلىق سەۋەبىدىن UA دەرىجىسىدە باھالانغان فىلىم .
   
3. ئامىرخان چېكىۋالغان تېلىفون نومرى ھەقىقەتەن مەۋجۈت بولۇپ ، بانگالوردىكى بىر ئايالنىڭ تېلىفون نومرى . بۇ كىنو قويۇلغاندىن كېيىن  ئۇ كۈندە نۇرغۇن ناتونۇش كىشىلەرنىڭ تېلىفونى ھەمدە ئۇچۇرىنى تاپشۇرىۋالغان . يەنە كېلىپ ئامىرخاننىڭ تەشۋىقات سۈرىتىدىمۇ بۇ نومۇر  ئېنىق چىققاچقا ، بۇخىل ئەھۋالنى توسۇش تەس كەلدى .
   
4. ئامىرخاننىڭ دېيىشىچە ئۇ كۆرگەن تامىل تىلىدىكى كىنو كۆپ ئەمەسكەن ، گاجىنىنىڭ رولىنى ئالغان پرادىپ سىڭ راۋات بىلەن بۇرۇن  ھەمكارلاشقانلىقى ئۈچۈن بۇ فىلىمنى كۆرگەندىن كېيىن قايتا سۈرەتكە ئالسا ناھايىتى زور يوشۇرۇن قىممىتىنىڭ بارلىقىنى ھېس قىلغان . 
   
5. ئامىرخاننىڭ يېتەكچىسىنىڭ ئېيتىشىچە ، ئۇ 13 ئاي مابەينىدە كۈندە تۆت سائەت بەدەن مەشىقى قىلىدىكەن ، يەنە كېلىپ ئىلمىي ئوزۇقلىنىپ  قىرىق پىرسەنت كاربون سۇ بىرىكمىلىرى ، قىرىق پىرسەنت ئاقسىل ،يىگىرمە پىرسەنت ياغ ماددىسى ئىستىمال قىلىدىكەن . ئاڭلاشلارغا قارىغاندا ئۇنىڭ تەن قۇرۇلمىسىنىڭ بۇنداق ياخشى بولىشىدىكى سەۋەپ دەل تۇخۇندا ئىكەن ،  ئۇ كۈندە 16 تۇخۇم ئېقى يەيدىكەن .
   

ئامېرىكا -------------------------- 2008.12.25

سىندىستان-------------------------2008.12.25

ئەنگلىيە --------------------------2008.12.25

پاكىستان -------------------------2009.01.09

گوللاندىيە-------------------------2008.12.25