قۇمۇل ياپمىسى

ماتېرىيالى: قوي گۆشى( قوۋۇرغا)، قىزىل سەۋزە، ياڭيۇ، باش پىياز، پەمىدۇر، ئاق ئۇن، قىچا ماي.

1. مۋاپىق مىقداردا ئۇن تەييارلىۋالمىز، تەييارلىۋالغان ئۇنغا بىرتال تۇخۇمنى چىقىپ، مۇۋاپىق مىقداردا تۇز سىلىپ پېتىر قىلىپ يۇغۇرىمىز.

2. قوي گۆشىنى مۇۋاپىق چوڭلۇقتا چاناپ تەييارلاپ قويىمىز ھەم قىزىل سەۋزە، ياڭيۇ، باش پىياز، پەمىدۇر، توغراپ تەييارلىۋالىمىز. 

3. قازانغا مۇۋاپىق مىقداردا سوغۇق سۇ قۇيۇپ تەييارلانغان قوي گۆشىنى، باش پىيازنى سېلىپ قاينىتىپ پىشۇرىمىز. 

4. گۆش ئازراق پىشقاندا شورپا ئۈستىدىكى كۆپۈكنى ئېلىۋىتىپ، مۇۋاپىق مىقتاردا شورپا قالدۇرۇپ قۇيۇپ تەييارلانغان قىزىل سەۋزىنى سېلىپ 5 مىنۇتتىن كېيىن، توغرالغان ياڭيۇ، پەمىدۇر قاتارلىق ماتېرىياللارنى سېلىپ دۈملەپ قويىمىز. 

5. تەييارلانغان پىتىر خېمىرنى بىردىن-بىردىن زۇۋۇل قىلىپ يېيىتىپ، قىچا مېيىنى ئۈستىگە تەكشى سۈركەپ، دۈملەنگەن گۆشنىڭ ھەم ماتېرىيالنىڭ ئۈستىگە قويىمىز، 

6. ئارقىدىكى يېيىتىلغان خېمىرنىمۇ ئوخشاشلا قىچا مېيى سۈركەپ، ئۈستىگە يىيىتىپ قويساق بولىدۇ، ھورنىڭ چىقىشىغا ئاسان بولۇش ئۈچۈن، يېيىتىلغان خېمىرغا چوكا سانجىپ قويىمىز.

7. خېمىر يېيىتىپ بولۇپ 10 مىنۇت دۈملىسەكلا تاماق پىشىدۇ.^[0]